Fjalori

Rezultate në përkufizime për “ajrosje”

Mëso si ta përdorësh
<<< Kthehu te kërkimi kryesor në fjalor

AJRIM

AJRÍM,~I m. 1. Veprimi kur ajroj ose kur ajrohet një mjedis etj.
2. Mbushja me ajër të freskët e një mjedisi të mbyllur; ndërrimi i ajrit. Ajrimi i shtëpisë. Ajrimi i qilimave. Ajrim i drithit. Ajrim i mushkërive. Dritare ajrimi. Bëj ajrimin. Niveli i ajrimit.
3. Rrymim i ajrit. Hapësirë ajrimi.
4. bujq. Krasitje a rrallim i degëve e i gjetheve të një peme për të marrë ajër më mirë. Ajrimi i hardhisë.
5. shtyp. Rrallim i shkronjave e i hapësirave. Ajrimi i titullit të romanit.
6. bujq. Shkrifërimi i tokës që të marrë ajër. Ajrimi i tokës.
7. fig. Flladitje. Ajrim i shpirtit (poet.).
✱Sin.: ajrosje, ajrisje, freskim, rrymim, ajërndërrim, krasitje, shkrifërim, flladitje.

AJRISJE

AJRÍSJ/E,~A f. Ajrosje. Ajrisje e ambientit të punës.

AJROSJE

AJRÓSJ/E,~A f. Ndërrim ajri, pastrim ajri. Ajrosje mekanike. Siguroni ajrosje të mirë! Tuba për ajrosje. Cilindër për ajrosje. Ajrosje e dyshekëve. Filtër ajrosje. Tapet ajrosje. Dy orë ajrosje. Ajrosje hapësinore. Ajrosje natyrore.
✱Sin.: ajrim, ajrisje, freskim.

ARJE

ÁRJ/E,~A f. sh. ~, ~ET Dritësore; pjesa e sipërme e një dritareje për ajrosje; dritare. Hape arjen. Pastrova arjen. U thye nga era edhe arja.

KALBUR

KÁLBUR (i, e) mb. 1. Që është kalbur ose është prishur, për shkak se ka mbetur gjatë në lagështirë dhe pa ajrosje etj. (për lëndë organike, ushqime, fruta, bimë etj.). Qepë (mollë) të kalbura.
2. fig. Që këputet shpejt, jo i fortë (për sende, litarë etj); i kalbët. Litar (tel) i kalbur.
3. fig. I dobësuar dhe i tretur, që ka vuajtur nga sëmundjet, mungesa e ushqimeve etj.; i rënë moralisht e shpirtërisht; i pafuqishëm (për një njeri a një kafshë shtëpiake etj.); që tashmë mezi mbahet në këmbë. Njeri i kalbur.
4. fig. Që s’ka më vlerë; i vjetruar; i degjeneruar. Sistem (regjim) i kalbur.
✱Sin.: i kalbëzuar, i prishur, i kalbët, i shpërbërë, i dekompozuar, i tretur, i vjetruar, i degjeneruar, i mykur.
♦ *Dru i kalbur. I kalbur në *bark. Të lidh me *pe të kalbur (dikush) iron. *Mollë e kalbur. Qep me *pe të kalbur (dikush). Me *rrënjë të kalbura. Nuk shkel në *dërrasë (në dhogë) të kalbur (dikush).

MOSAJROSJE

MOSAJRÓSJ/E,~A f. 1. Pamundësi e ajrimit të diçkaje; kund. ajrosje. Mund të krijohet myk në dhomë për shkak të mosajrosjes së duhur.
2. Mungesë dëshire, vullneti a përpjekjesh për të ajrosur një vend të mbyllur; kund. ajrosje.

VENTILACION

VENTILACÍON,~I m. sh. ~E, ~ET Ajrosje e mjediseve të mbyllura me anë të ventilatorëve; tërësia e ventilatorëve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë