Fjalori

Rezultate në përkufizime për “agullohet”

Mëso si ta përdorësh
<<< Kthehu te kërkimi kryesor në fjalor

AGULLOHET

►AGULL/ÓHET jovep., ~ÚA (u) ~ÚAR vetv., vet. v. III 1. Agon, agullon, mugëton.
2. Vë perde, vagëllohet, vishet me perde (për sytë). Më janë agulluar sytë.
✱Sin.: vagëllohet, mjegullohet, agullohet, avullohet, mugëtohet.

MJEGULLOJ

MJEGULL/ÓJ vep., ~ÓVA, ~ÚAR kal. 1. Mbuloj a vesh me mjegull; vesh me një perde si mjegull, që pengon shikimin; kund. çmjegullim. Avulli (fryma) mjegulloi xhamin. Tymrat e mjegulluan diellin.
2. fig. E bëj të paqartë, të errët e të pakuptueshme diçka; errësoj, turbulloj (për një ngjarje, për një figurë, për një vepër etj.); kund. çmjegullim. I mjegullon ngjarjet (idetë). Ia mjegulloi mendjen (arsyen).
✱Sin.: errësoj, turbulloj, vishet, vagëllon, agullohet, turbullohet, vaket, dobësohet, erret.
♦ M’u mjegullua (m’u turbullua) *mendja. M’u mjegulluan *sytë.

VAGËLLOHET

►VAGËLL/ÓHET jovep., ~ÚA (u), ~ÚAR vetv., vet. v. III 1. Humbet dritën a shkëlqimin, fillon të errësohet a të zbehet; duket si i mbuluar nga një mjegull e lehtë, duket si nëpër mjegull. Iu vagëlluan sytë. U vagëlluan malet. U vagëllua horizonti.
2. fig., vetv. Humbet qartësinë, forcën etj.; errësohet. Iu vagëllua mendimi. Iu vagëlluan shpresat.
✱Sin.: errësohet, agullohet, mjegullohet, terratiset.

VAKET

►VÁK/ET jovep., ~ (u), ~UR 1. vetv., vet. v. III Ngrohet pak, bëhet i vakët (për ujin, motin etj.). U vak uji. U vak moti (koha). U vak uji në gotë dhe nuk mund ta pi më.
2. fig., vetv. Dobësohet, e ul vrullin a forcën, venitet (për vullnetin, dashurinë etj.). Iu vak vrulli. Iu vak malli për diçka. Iu vakën shpresat. Iu vak dashuria për të dhe nuk mund të vazhdonin më.
3. vetv., vet. v. III Mjegullohet, dobësohet shumë, erret, perëndon; shuhet (për sytë, dritën etj.). U vak dielli. Iu vakën sytë. U vak drita. U vak dielli dhe nata erdhi.
4. fig. bised., vetv. Vdes, fiket, shuhet pa u ndier. U vak plaku natën pa bërë zë. U vak plaku i gjorë.
5. pës. e VAK.
✱Sin.: vakohet, ngrohem, përavullitem, shalakuqem, thekem, dobësohet, venitet, mjegullohet, agullohet, shuhet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë