Fjalori

Rezultate në përkufizime për “agjëronjë”

Mëso si ta përdorësh
<<< Kthehu te kërkimi kryesor në fjalor

AGJËRONJË

AGJËRÓNJ/Ë,~A f. sh. ~A, ~AT krahin. 1. zool. (lat. Ardea cinerea) Shpend uji me qafë të gjatë, me këmbë të gjata e me sqep të hollë e të mprehtë, me një tufë puplash të zeza në krye dhe në krahë, që jeton në ligatina (moçalishte, këneta, rreth pellgjeve, liqeneve etj.) dhe që ushqehet kryesisht me gjallesa ujore që i gjuan zakonisht në cekëtinat ku jeton. Agjëronjë deti (liqeni, kënete etj.). Agjëronjë e hirtë. Agjëronjë e bardhë. Agjëronjë e larme.
2. fig. Grua e dobët dhe e hollë, thatanike. Si agjëronjë deti. Fillake si agjëronjë.
✱Sin.: çafkë, çafkëthime, çafçak, çajme, çapë, çape, çapëthime, çapke, gatë, gatëz.

ÇAFKË

ÇÁFK/Ë,~AI f. sh. ~A, ~AT 1. Tufë pendësh në majë të kokës së pulave ose të disa zogjve; kaçul. Çafka e këndesit lafsha e këndesit. Pulë me çafkë. Mban çafkën përpjetë.
2. zool. (lat. Ardea cinerea) Shpend uji me kaçul të zi, me qafë të gjatë, këmbë të gjata e sqep të hollë; gatë. Çafka e bardhë e vogël. Çafka e kuqe. Çafka e përhime. Çafka e gjedhit u vërtit brenda kufijve.
3. Maja e kokës, buti i kresë. Çafka e kokës. I ra në çafkë. I çau çafkën. Po më luan çafka e kokës po më luan mendja. - Mblidhe çafkën! mblidhe mendjen!
4. fig. Grua me trup të gjatë e të hollë.
5. fig. Vajzë e shkathët dhe e aftë në të folur, fjalëshumë. - Paskan ardhur ato çafka?
✱Sin.: kaçul, gatë, çajme, çafkëthime, çapje, agjëronjë.

ÇAFKËTHIME

ÇAFKËTHÍM/E,~JA f. sh. ~E, ~ET zool. (lat. Ardea cinerea) Çafkë me pendë të përhime, që jeton afër ujërave, si lumenj, këneta, liqene e bregdet. Duket si çafkëthime, por s’është.
✱Sin.: gatë, çafkë, çajme, çapje, agjëronjë.

ÇAPJE

ÇÁPJ/E,~AIII f. sh. ~E, ~ET zool. Lloj çafke por pa kaçul në majë të kokës dhe me pendë në ngjyrë gri.
✱Sin.: çafkë, gatë, çajme, çafkëthime, agjëronjë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë