Fjalori

Rezultate në përkufizime për “ag”

Mëso si ta përdorësh
<<< Kthehu te kërkimi kryesor në fjalor

AG

AG,~U m. 1. Drita pas territ të natës, drita që del para se të lindë dielli, fillimi i agimit, agim, ferk. Doli agu i parë. Agu i dritës (i mëngjesit). Shkrepi agu. Sa shpejt zbardhi agu! Agu i syrit bebja e syrit; pikë e bardhë që del në sy.
2. Gjysmëdritë, gjysmerrësirë, mjegulli, vegulli. Nëpër ag të mjegullës. E shoh si nëpër ag nuk e shquaj mirë. Vegulloi agu.
3. fig., poet. Agim.
✱Sin.: mëngjes, agim, ferk, agulli, mjegulli, gjysmëdritë, gjysmerrësirë.
♦ (Sheh) si nëpër ag të mëngjesit (dikush) nuk e dallon, nuk e shquan mirë një gjë; kund. i ka sytë xham. I kanë vënë sytë ag (dikujt) nuk i sheh qartë punët, nuk i kupton drejt gjërat; është verbuar; i janë veshur sytë; iu mjegulluan sytë.

AGIM

AGÍM,~I m. sh. ~E, ~ET 1. Veprimi kur agon. Agimi i ditës.
2. Koha kur nis të zbardhë dita; drita e parë e mëngjesit para se të dalë dielli. Agimi i parë. Agim i freskët. Çeli agimi. U skuq agimi. Kur nis agimi. Në agim. Para agimit. Zbardhi (shkrepi) agimi. Buzëqeshi agimi. Agimi i ditës. Agim polar aurorë.
3. fig., lart. Fillimi i diçkaje, lindja dhe hapat e para të një ngjarjeje, dukurie etj. Agimi i lirisë (i botës së re). Në agimin e jetës (e shekullit). Në agim të epokës së re. Në agimet e qytetërimit.
✱Sin.: të gdhirë, ag, agull, agullim, agëzim, aurorë, agshol, dritë, zbardhje, zbardhëllim, zbardhëllimë, lëbardhë.

AGMI

AGMÍ,~A f. 1. Agim, zbardhëllima e parë që nis para agut, drita që nis ditën, kuqërrimi i agut. Agmia e qiellit. Agmia e dritës.
2. Zbardhëllimë, dritë e butë që përhapet nga sendet e bardha. Agmi bore. I kishte rënë agmia e mëngjesit.
3. Të skuqurit e lehtë të fytyrës nga një ndjenjë e fortë. E kishte kapluar agmia në fytyrë.
✱Sin.: agim, ag, zbardhëllimë, dritë.

AGON

AG/ÓN vep., ~ÓI, ~ÚAR jokal., vet. v. III 1. Nis të zbardhë dita, çel drita e parë e mëngjesit, afron lindja e diellit, gdhin. Agoi dita. Pa aguar mirë.
2. fig., lart. Fillon të shfaqet diçka e gëzuar, nis një ndodhi a një ngjarje e dëshiruar. Agoi dita e lirisë. Aguan ditë të bardha.
✱Sin.: agmon, agullon, agullin, gdhin, zbardh, zbardhëllen, nis, çel, del.

AGSHOL

AGSHÓL,~I m. sh. ~E, ~ET Fillimi i agimit, ag, agim. Në agshol të dritës.

AGTH

AGTH,~I m. Agim, ag.
✱Sin.: agim, ag, agullim, agull, agshol, zbardhëllim, të zbardhëlluar.

AGTIM

AGTÍM,~I m. Puhi në ag, puhizë mëngjesi. Agtim i flladshëm. Fresk agtimi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë