Fjalori

Rezultate në përkufizime për “afro”

Mëso si ta përdorësh
<<< Kthehu te kërkimi kryesor në fjalor

AFRO

AFRÓ pj. Afër, afërsisht. Afro dy vjet. Afroi përvjetori. Afro dy metra mezhdën. Afro tri orë kah mbrëmja.

AFRO-AMERIKAN

ÁFRO-AMERIKÁN,~E mb. Që ka të bëjë me kontinentin e Afrikës dhe me kontinentin e Amerikës të marrë së bashku; që ka të bëjë me vendet dhe popujt e Afrikës e të Amerikës, i Afrikës dhe i Amerikës njëkohësisht. Kulturë afro-amerikane. Vajzë afro-amerikane.

AFRO-AMERIKAN

AFRO-AMERIKÁN,~I m. sh. ~Ë, ~ËT Ai që ka prejardhje nga Afrika por që jeton në Amerikë; amerikan me prejardhje afrikane; emërtimi zyrtar dhe etnik për amerikanët që kanë ardhur nga Afrika; pasardhës i robërve zezakë, të vendosur në Amerikën Veriore. Afro-amerikan i natyralizuar. Muzika afro-amerikane.

AFRO-AZIATIK

ÁFRO-AZIATÍK,~E mb. Që ka të bëjë me kontinentin e Afrikës dhe me kontinentin e Azisë të marrë së bashku; që ka të bëjë me vendet dhe popujt e Afrikës e të Azisë, i Afrikës dhe i Azisë njëkohësisht. Vendbanime afro-aziatike. Popujt afro-aziatikë.

AFRO-AZIATIK

ÁFRO-AZIATÍK,~U m. sh. ~Ë, ~ËT Ai që ka prejardhje nga Afrika dhe jeton në Azi; ai që i takon një bashkësie etnike të Afrikës që është vendosur disa qindra vite më parë në nënkontinentin indian (në vende, si Bangladesh, Pakistan, Sri Lankë, Indi etj.). Afro-aziatik i ardhur vonë. Valle afro-aziatike. Klimë afro-aziatike.

AFRO-KARAIBIK

ÁFRO-KARAIBÍK,~E mb. Që lidhen me afro-karaibikët; i afro-karaibikëve.

BERBER

BERBÉR,~E mb., gjuh. I berberëve; që lidhet me berberët, me mënyrën e jetesës dhe me gjuhën e tyre. Dinastia berbere. Fiset nomade berbere. Mbretëria berbere. Gjuhë berbere gjuhë e përbërë nga shumë dialekte afro-aziatike, që flitet kryesisht në Marok. Kalendar berber kalendar bujqësor tradicional, i cili përdoret në krahina të ndryshme të Afrikës së Veriut. I lidhur ngushtë me gjuhët berbere.

DALLAVESH

DALLAVÉSH,~E mb., bised. 1. Që është i veshur pa kujdes, që nuk i mban mirë rrobat, që është pa shije në veshje. Dukej i varfër e dallavesh, me atë këmishë të qelbur, që ka gati një muaj që e mban në trup.
2. I leckosur, rreckaman. Njeri dallavesh. E veshur si lypsare dallaveshe.
3. si em. m. e f. Sipas kuptimeve të mbiemrit. - Mos iu afro atij dallaveshi! - Është dallaveshe e keqe.

KOLERË

KOLÉR/Ë,~A f., mjek., veter. 1. Sëmundje e rëndë ngjitëse që shfaqet me temperaturë të lartë, me pezmatim e qelbëzim të zorrëve, me diarre dhe me të vjella. E ka zënë kolera. Të hëngërt kolera! (mallk.). Kolera e shpendëve (veter.) sëmundje e rrezikshme që i ngjitet njeriut nga shpendët, e cila shfaqet me ngordhje masive të pulave, të zogjve etj. Kolera e derrave (veter.).
2. edhe fig., keq., shar. Njeri i prekur nga kjo sëmundje e rëndë; njeri i fëlliqur; diçka shumë e keqe. Është një kolerë, mos iu afro atij!
♦ Të ngrëntë (të shoftë, të preftë) kolera! mallk. shih të marrtë (të ngrëntë) mortja! mallk.

NDONJË

NDONJË́ pj. Afro, gati, pothuajse, përafërsisht, afërsisht, rreth. Kam ndonjë orë që po pres. Ndonjë kilometër larg.

NËNPRESIDENTE

NËNPRESIDÉNT/E,~JA f. sh. ~E, ~ET Ajo që zëvendëson dhe ndihmon në punë presidentin e një shteti, të një organizate ose institucioni; zëvendëspresidente. E para nënpresidente afro-amerikane. Kandidate për nënpresidente.

PËRAFËRSISHT

PËRAFËRSÍSHT pj. Pak a shumë, një çikë më shumë ose më pak, rreth, gati, pothuajse; afër. Përafërsisht dyzet për qind. Përafërsisht dyqind kilometra. Përafërsisht dyzet litra.
✱Sin.: rreth, pothuajse, gati-gati, rrotull, afro, afër, thuajse, nja, kund.

RRASATAK

RRASATÁK,~E mb. Petak. Ma afro atë gurin rrasatak.
✱Sin.: pllakash, gurashenjash.

SAHANLLAK

SAHANLLÁK,~U m. Inat. Kur e kap sahanllaku, mos iu afro. Nuk ia di ti sahanllakun e tij. Kur t’i kalojë sahanllaku, do të flas me të.
✱Sin.: nevrikosje, zemërim, vrer, zburth, duf, egërsim, tutarak, hidhërim, mëri, lëndi, pezëm, pezmatim, acarim, mllef, zët, maraz, tërsëllëm, lendi, kokëfortësi, gjaknxehtësi.

SERTUAR

SERTÚAR (i, e) mb. Që është sertuar; i egërsuar. Mos iu afro qenit të sertuar. Mushka e sertuar nuk duhet ngarkuar.
✱Sin.: i ashpërsuar, i zemëruar, i acaruar.

SHEKULL

SHÉKU/LL,~LLI m. sh. ~J, ~JT 1. Koha prej njëqind vjetësh, që shërben për të ndarë historinë e njerëzimit dhe që matet duke filluar nga viti i parë i erës së re e duke shkuar pas ose përpara këtij viti. Shekulli i parë (i dytë, i tretë, i njëzet e një). Europa e shekullit të ri. Një mesazh nga shekujt e kaluar. Afro çerek shekulli. Në prag të shekullit XXI. Gjatë shekullit të kaluar. Në rrjedhë të shekujve. Shkrimtarët e gjysmës së parë të shekullit XVI. Në thellësi të shekujve në lashtësi. Janë përdorur për shekuj me radhë në mjekësi. Shekull i artë (kohë e artë) kohë e lulëzimit më të madh të shkencave e të arteve në historinë e një vendi.
2. Periudhë historike gjatë së cilës ka ndodhur ndonjë ngjarje me rëndësi të jashtëzakonshme ose është zhvilluar veprimtaria e ndonjë njeriu të shquar, epokë. Shekulli i Skënderbeut. Shekulli i teknologjisë. Shekulli i Voskopojës.
3. (me numërorin themelor një) bised. Një kohë shumë e gjatë, sa s’mbahet mend. Ka një shekull në vetmi. Kishte një shekull që e priste. Një ditë larg saj i dukej një shekull.
4. vjet., kryes. nj. Bota, jeta, njerëzia. Si gjithë shekulli edhe ajo. Fjalët e shekullit nuk mbarojnë. Rrinte e urtë faqe shekullit. Bukuri në shekull bukuri e dheut. Ishte stadiumi dhe e shekull kishte shumë njerëz.
✱Sin.: njëqindvjetor, njëqindvjeçar, qindvjetor, kavaljët, botë.
♦ Në shekuj të shekujve libr. shih në jetë të jetëve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë