Fjalori

Rezultate në përkufizime për “adoptues”

Mëso si ta përdorësh
<<< Kthehu te kërkimi kryesor në fjalor

ADOPTOHEM

►ADOPT/ÓHEM jovep., ~ÓVA (u), ~ÚAR libr. 1. vetv. Bëhem fëmijë shpirtëror dhe i ligjshëm i prindërve adoptues, jobiologjikë, merrem në kujdestari dhe në përkujdesje nga prindër adoptues, të cilët marrin përgjegjësitë ligjore për mirëqenien time. Adoptohem ligjërisht. Adoptohem privatisht. Adoptohem me dëshirë.
2. pës. e ADOPTOJ. U adoptua nga Qendra e Jetimëve.

ADOPTOJ

ADOPT/ÓJ vep., ~ÓVA, ~ÚAR kal. 1. drejt. Birësoj; marr në kujdestari dhe në përgjegjësi ligjore një person, zakonisht një fëmijë, që nuk është i lindur nga prindërit adoptues; marr në familje një të mitur dhe e rrit si fëmijën tim, e bëj ligjërisht bir a bijë në shpirt një fëmije të tjetërkujt. Adoptoj një djalë (një vajzë). Adoptoj një të mitur.
2. libr. Pranoj ose përvetësoj një ide, një praktikë, një metodë, një stil të ri; pranoj të ndjek a të zbatoj një vijë, një parim, një metodë pune. Adoptoj një teknologji të re. Adoptoj në jetë të re.
3. libr. Pranoj ose marr me anë të votimit një vendim, një thirrje etj. Adoptuan një rezolutë. Adoptoi një metodë (një politikë, një doktrinë).

ADOPTUES

ADOPTÚES,~I m. sh. ~, ~IT drejt. Birësues, ai që ka bërë bir a bijë në shpirt një fëmijë të tjetërkujt; ai që ka adoptuar ose ka bërë të tijën ligjërisht një fëmijë etj. Prindër adoptues. Baba adoptues. Çift adoptues. Institucion (organ) adoptues.

BIRËSUES

BIRËSÚES,~E mb., drejt. Që birëson, adoptues. Babai (vëllai) birësues. Prindër (etër) birësues. Familja (nëna) birësuese.

BIRËSUES

BIRËSÚES,~I m. sh. ~, ~IT drejt. Ai që birëson një fëmijë, adoptues. Statusi i birësuesit. Të dhënat e birësuesve. Mosha e birësuesve. Deklarata e birësuesit. Marrëdhëniet midis birësuesve dhe të birësuarve.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë