Fjalori

Rezultate në përkufizime për “abrogoj”

Mëso si ta përdorësh
<<< Kthehu te kërkimi kryesor në fjalor

ABROGIM

ABROGÍM,~I m. sh. ~E, ~ET drejt. 1. Veprimi kur abrogoj ose kur abrogohet një ligj etj.
2. Hedhje poshtë e një ligji (e një vendimi, e një marrëveshjeje, e një urdhri etj.). Diskutuan abrogimin e dy dispozitave ligjore. Abrogimi i ligjit zgjedhor. Abrogimi i vendimit të miratuar. Llojet e abrogimit.
✱Sin.: shfuqizim, prapësim, pezullim, anulim.

ABROGOJ

ABROG/ÓJ vep., ~ÓVA, ~ÚAR drejt., kal. Hedh poshtë një ligj, një vendim, një rregullore, një urdhër në mënyrë zyrtare, e bëj të pavlefshëm ose të papërdorshëm një akt ligjor të mëparshëm. Abrogoj një ligj (një dispozitë ligjore). Kuvendi abrogoi Ligjin e Punës. Abroguan vendimin e Këshillit shkencor. Abroguan urdhrin e komisionit.
✱Sin.: shfuqizoj, prapësoj, asgjësoj, pezulloj, anuloj.

ANULOJ

ANUL/ÓJ vep., ~ÓVA, ~ÚAR kal. 1. drejt. I heq fuqinë një ligji, vendimi, urdhri etj., prish ose e kthej mbrapsht, e tërheq, nuk e lejoj të bëhet, e bëj të pavlefshëm. Anulon një ligj (një vendim).
2. Prapësoj; tërheq; nuk lejoj të bëhet (një veprim). Anuloj mbledhjen (ndeshjen, vizitën). Anuloi një marrëveshje. Anulon fluturimin.
✱Sin.: shfuqizoj, abrogoj, zhbëj, prapësoj.

REVOKOJ

REVOK/ÓJ vep., ~ÓVA, ~ÚAR drejt., kal. 1. Shpall të pavlefshëm një urdhër a një vendim të marrë më parë, heq, shfuqizoj, abrogoj. Revokoj vendimin (urdhrin). Revokuan kontratën.
2. I heq të drejtën një funksionari për të vazhduar detyrën, për të cilën është zgjedhur ose është ngarkuar. Revokoj deputetin, këshilltarin.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë