Fjalori

Rezultate në përkufizime për “açik”

Mëso si ta përdorësh
<<< Kthehu te kërkimi kryesor në fjalor

AÇIK

AÇÍK,~E mb., bised. 1. Që ka ngjyrë të hapët, të çelët. Bojë açike. Pëlhurë açike.
2. keq. Që sillet e që vepron haptas në mënyrë jo të hijshme dhe pa respekt e konsideratë, që nuk përfill mendimin e njerëzve përreth, që nuk ka fare turp, që nuk i skuqet fytyra. Burrë açik. Vajzë açike. Sjellje açike. Është açike. Punë açike.
✱Sin.: i pacipë, cipëplasur, i pafytyrë, i paturpshëm, i ulët.

AÇIK

AÇÍK ndajf., bised. Në mënyrë të hapur, pa e fshehur, në mënyrë të drejtpërdrejtë. Foli açik. Ia thamë açik. U shfaq açik. I doli zot açik. Na u duk açik.
✱Sin.: haptas, hapur, sheshazi, sheshit, troç, shkoqur, qartë, drejtpërdrejt.

PACIPË

PACÍPË (i, e) mb. Që nuk ka fare turp, që nuk i skuqet faqja nga asgjë, që i ka plasur cipa, i paturp, i pafytyrë; që është karakteristik për një njeri cipëplasur, i ulët, i paturpshëm. Burrë i pacipë. Grua e pacipë. Punë e pacipë.
✱Sin.: i paturp, i paturpshëm, i pafytyrë, cipëplasur, cipëdalë, cipëngrënë, turpngrënë, turpemadh, i ulët, i paskrupull, i pamarre, i pabojë, i lyrët, lyrës, i lyrikur, i shpërlarë, faqezi, faqedjegur, faqerrogoz, sorrak, i zdatur, lapërdhar, lapanjoz, zgjebarak, edepsëz, açik.

PATURP

PATÚRP (i, e) mb. Që s’i vjen turp të bëjë diçka të pandershme a të thotë fjalë të pahijshme, që s’ka pikë turpi; i pafytyrë, i pacipë; që është karakteristik për një njeri të tillë. Njeri i paturp. Sjellje e paturp. Ishte i paturp. Gënjeshtar i paturp.
✱Sin.: i paturpshëm, i pacipë, i pamarre, i pafytyrë, i ulët, i pabojë, cipëplasur, cipëdalë, turpngrënë, cipëngrënë, turpemadh, faqezi, faqedjegur, faqerrogoz, i shpëlarë, i lyrët, lyrës, i lyrikur, maskara, edepsëz, qepaze, açik, balash, sorrak, i zdatur, i paskrupull, i poshtër, cipëtrashë, faqenxirë, lapangjoz, rrufjan, delenxhi, kodosh, i shëmtuar.

VNJAÇKË

VNJÁÇK/Ë,~A f. sh. ~A, ~AT 1. Grua a vajzë që ka një trup të hollë, elegant dhe që e lëviz sa andej këtej kur ecën. Ajo vnjaçka shkon duke u përdredhur. Ajo vnjaçka ecën açik (ndryshe) të tjerëve.
2. keq. bised. Që është e lëvizshme, bishtdredhur. Asaj vnjaçkës nuk i zihet vendi askund.

ÇELUR

ÇÉLUR ndajf. 1. Në atë mënyrë që lejon dikë a diçka të hyjë brenda, të dalë a të kalojë lirisht; pa çelës; hapur; kund. mbyllur. E lë (mbetet) çelur. Qëndron çelur. Dera ishte çelur. Lëre çelur atë shteg bisede.
2. Me pjesët a anët të larguara ose të mënjanuara njëra nga tjetra, hapur; kund. mbyllur. Me sytë çelur. Me gojë çelur. E lë çelur derën e dhomës.
3. Duke e vijuar punën, në veprimtari e sipër; kund. mbyllur. Shkolla rri çelur. E gjeta dyqanin çelur. Rri gjithë ditën çelur. Ekspozita qëndron çelur prej orës... Bashkinë e gjen çelur deri në fund të orarit zyrtar.
4. fig. Haptas, pa e fshehur, hapur. I flas çelur. E shfaq çelur.
✱Sin.: hapur, haptas, çiltas, sheshit, açik, çelurazi.
♦ Me *ballë çelur. E mban derën çelur (*hapur) (dikush).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë