Fjalori

Rezultate në përkufizime për “ëmbëltoj”

Mëso si ta përdorësh
<<< Kthehu te kërkimi kryesor në fjalor

AMBËLTOJ

AMBËLT/ÓJ vep., ~ÓVA, ~ÚAR krahin., kal. Ëmbëltoj.

SHEQEROJ

SHEQER/ÓJ vep., ~ÓVA, ~ÚAR kal. 1. E spërkat me sheqer një ëmbëlsirë a i hedh sheqer një pijeje, e ëmbëlsoj me sheqer; e mbuloj me një shtresë sheqeri.. Sheqeroj luleshtrydhet. Sheqeroj likerin. E sheqeroi kekun sa ishte i ngrohtë.
2. Shtoj sasinë e sheqerit. E sheqeroi edhe pak.
3. kim. Shndërroj në sheqer; shtoj sasinë e sheqerit. Procesi i sheqerimit. Panxhari i sheqerit iu nënshtrua procesit të sheqerimit.
4. fig. Flas me fjalë të ëmbla, me ton të ulët e të shtruar. E sheqeroi me fjalë. E sheqeroi pak bisedën.
✱Sin.: ëmbëlsoj, ëmbëltoj, mëlcoj, përmjalt, karamelizoj, sheqeros, sherbetoj.

SHEQEROS

SHEQERÓS vep., ~A, ~UR kal. 1. E pluhuros me sheqer; i hedh shumë sheqer sa trashet ose sa mpikset, sherbetoj. Sheqeros kafenë. Sheqeros hallvën. E ka sheqerosur bakllavanë.
2. fig., keq. E zbukuroj diçka duke mbuluar anët e këqija të saj, duke përdorur fjalë të ëmbla e joshëse; ëmbëlsoj. I sheqerosin mosmarrëveshjet. E ka sheqerosur pak personazhin negativ. E sheqerosi kuvendimin me ato fjalë.
✱Sin.: ëmbëlsoj, ëmbëltoj, mëlcoj, përmjalt, karamelizoj, sheqeroj, sherbetoj.

ËMBËLSOJ

ËMBËLS/ÓJ vep., ~ÓVA, ~ÚAR kal. 1. E bëj të ëmbël ose më të ëmbël një ushqim, një pije a një gatesë. Ëmbëlsoj reçelin (hallvën, çajin, shurupin).
2. I jap dikujt të hajë diçka të ëmbël. I ëmbëlsova miqtë me revani. Na ëmbëlsoi me llokume. E ëmbëlsoi me sheqerka dikë e mori me të mirë dikë, me qëllim që ta gënjente, që të nxirrte përfitime prej tij.
3. Më bën që të ndiej ëmbëlsi në gojë. Ma ëmbëlsoi gojën me mjaltë.
4. vet. v. III Ia pakëson kripërat e tepërta a lëndët e tjera të dëmshme (për tokën). Ëmbëlson tokën.
5. fig. E bëj të këndshme, të gëzueshme a të lumtur (jetën e dikujt, bisedën etj.). Ia ëmbëlsoi jetën. E ëmbëlsoi bisedën. Ia ëmbëlsoi pushimet.
6. fig. Qetësoj dikë që është zemëruar, me fjalë të mira e të ëmbla, e zbut; zbut një gjendje të acaruar; i heq vrazhdësinë a ashpërsinë diçkaje. E ëmbëlsoi plakun. I ëmbëlsuan marrëdhëniet.
7. fig., keq. E zbukuroj diçka sa për sy e faqe, e vesh një mendim me fjalë të bukura e të buta, që fshehin përmbajtjen e vërtetë; sheqeros. E ëmbëlsoi ndodhinë.
8. fig., bised. Bëj që t’i pakësohet dhembja, dëshpërimi a hidhërimi, ia bëj më të lehtë. Ia ëmbëlsoi dhembjen (plagën).
9. krahin., euf., jokal., vet. v. III (me një trajtë të shkurtër të përemrit vetor në r. dhanore) Më ther pak, më sëmbon; më dhemb. Më ëmbëlson në anën e majtë. Më ka ëmbëlsuar tërë natën në brinjë.
✱Sin.: ëmbëltoj, mëlcoj, përmjalt, mjaltoj, përmjalt, zbut, sheqeros, dhemb.

ËMBËLTOJ

ËMBËLT/ÓJ I vep., ~ÓVA, ~ÚAR kal. Ëmbëlsoj. Ëmbëltoj bakllavanë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë