Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BËRÇÚK,~U m. sh. ~Ë, ~ËT 1. Kalli misri që mbetet i vogël.
2. Pjesë e kallirit të misrit që mbetet pasi e kemi shkoqur; misërishte, bloçkë. Nxjerr bërçukë.
3. Haje për derra. Bërçukë për thiun.
4. fig., mospërf. Njeri me trup të shkurtër, shkurtabiq. Bërçuku i klasës.
✱Sin.: shkurtalak, shkurtaq, xhuxh, xhuxhmaxhuç, cumrak, gërdhuz, çufrak, burravogël, caradung.
GJURÁK,~E mb. 1. Që është i parritur; shkurtabiq, por shtatlidhur; truplidhur. Vajzë gjurake.
2. I vogël, i shkathët dhe i shpejtë. Fëmijë gjurak.
✱Sin.: çufrak, çufrok, shtatshkurtër, trupvogël, shkurtabiq.
PINGUÍN,~I m. sh. ~Ë, ~ËT 1. zool. (lat. Alcides, Spheniscus) Shpend uji kryesisht i viseve të Antarktikut, me trup të madh e me bisht të shkurtër, me këmbë si pëllëmbë e me krahë të pazhvilluar, që nuk fluturon, por zhytet në ujë e noton mirë. Ecën si pinguin ecën duke i hedhur këmbët anash e duke u tundur. Pinguini i verdhë.
2. Pjesë e parë e emërtimeve për disa lloje pinguinësh: Pinguini i Antarktikut (lat. Pygoscelis Antarctica). Pinguini blu (lat. Eudyptula minor). Pinguini çufrak (lat. Eudyptes crestatus). Pinguini i Galapagosit (lat. Spheniscus mendiculus). Pinguini mbretëror (lat. Aptenodytes patagonicus, Eudyptes schlegeli). Pinguini perandor (lat. Aplenodytes forsteri). Pinguini syverdhë (lat. Megadyptes antipodes).
3. fig. Njeri i shkurtër, i ngjeshur e me hundë të gjatë.
STRAMISTRÉC,~EI mb., bised. Që është shumë i shkurtër. Djalë stramistrec. Kujt i ngjau ky fëmijë stramistrec!
✱Sin.: shkurtabiq, i shkurtër, burrac, burrec, burravogël, mic, xhuxh, xhuxhmaxhuxh, xhuxhumak, bërçuk, picërrak, picorr, picirruk, picingul, çufrak, rrumaduc, cung, i vocërr, i vockël.
STRAMISTRÉC,~III m. sh. ~Ë, ~ËT bised. Djalë shumë i shkurtër. Stramistreci ishte i zgjuar. Stramistrecat e klasës.
✱Sin.: shkurtabiq, burrac, burrec, buburrec, burravogël, mic, xhuxh, njerith, xhuxhmaxhuxh, xhuxhumak, herr, bërçuk, cumrak, picërrak, picorr, picirruk, minuk, çufrak, rrumaduc, rrëgjukull, fiçor.
VÓGËL (i, e) mb. 1. Që ka gjatësi, gjerësi a lartësi ose peshë më të paktë se mesatarja a e zakonshmja ose më të paktë se diçka a dikush tjetër; që ka përmasa jo të mëdha; me shtat jo të zhvilluar, i paktë nga trupi, i shkurtër; që zë pak vend; që nxë pak ose nuk nxë aq sa duhet a atë që duhet; i ngushtë a i cekët; që ka pak radhë a pak fjalë, i shkurtër (për një shkrim); kund. i madh. Arë (fushë, luginë) e vogël. Vresht i vogël. Liqen pellg i vogël). Lumë (përrua) i vogël. Derë (dritare) e vogël. Vend (shtet) i vogël. Fshat (qytet) i vogël. Shtëpi (dhomë) e vogël. Me trup (me shtat) të vogël. Me sy (me veshë) të vegjël. Gishti i vogël. Truri i vogël (anat.). Këpucë të vogla. Gjethe të vogla. Artikull (lajm) i vogël. Shkronjat (germat) e mëdha dhe shkronjat (germat) e vogla.
2. Që është i paktë në sasi; që përbëhet nga një numër jo i madh njerëzish, kafshësh a sendesh, që është me pakicë; kund. i madh. Sasi e vogël. Shumë e vogël të hollash. Një trashëgim i vogël. Familje e vogël. Çetë e vogël. Popullsi e vogël. Tufë e vogël. Grup i vogël. Numër i vogël. Shumëfishi më i vogël i përbashkët (mat.).
3. Që bëhet për një kohë të shkurtër, që zgjat pak kohë, i shkurtër; kund. i gjatë; i madh. Ndërprerje e vogël. Pushimi i vogël. Ra një shi i vogël. Është e vogël dita në dimër.
4. Në moshë të njomë; i mitur, i parritur; më i ri se një tjetër ndër të tjerët; kund. i madh. Fëmijë (djalë)i vogël. Çupë e vogël. Motra e vogël. Vëllai i vogël. Moshë e vogël. Është ende i vogël.
5. bised. Që ka pozitë shtetërore a shoqërore jo të lartë; që ka aftësi a mundësi të pakta në krahasim me një njeri të shquar e të fuqishëm në një fushë veprimtarie; që nuk ka shumë vlerë a rëndësi. Nëpunës i vogël. Shkrimtar i vogël.
6. Që zotëron një pronë jo të madhe, që nuk ka shumë kapital; që ka pak mjete e mundësi materiale; që nxjerr a që jep prodhim të paktë; kund. i madh. Pronarë (sipërmarrës) të vegjël. Ndërmarrje e vogël. Biznes i vogël. Prodhimi i vogël zejtar.
7. bised. Që ka pak pasoja, që ngre peshë pak, që sʼka ndonjë rëndësi thelbësore a të madhe, jo i rëndësishëm, i dorës së dytë; kund. i madh. Gabim (faj) i vogël. Çështje (punë, gjë) e vogël. Hollësira të vogla. Pati një shqetësim të vogël.
8. I imët, i hollësishëm, që bëhet duke biseduar me njerëzit një nga një. Organizimi i vogël i punës.
9. keq. Që lidhet vetëm me veten a me interesin e vet, i ngushtë; që nuk është zemërgjerë; që nuk është fisnik nga shpirti, shpirtvogël. Me qëllime (me interesa) të vogla. Me shpirt të vogël. Njeri i vogël.
10. zool. Përdoret si pjesë e dytë e disa emërtimeve të pathjeshta, që tregojnë zakonisht një lloj insekti dëmtues. Barishtori i vogël. Grerëza e vogël. Syri i vogël. Biruesi i vogël. Brumbulli i vogël i duhanit. Tenja e vogël e rrushit.
✱Sin.: vogëlush, vocërrak, i vockël, i vocërr, picërrak, camërdhok, vogëlec, çufrak, trupvogël, shtatvogël, truppaktë, shtatpaktë, i ngushtë, i cekët, i imët, imëtak, i pakët, i shkurtër, shpirtvogël.
♦ *Arusha (Qerrja) e Vogël astr. I ka rënë në *tru të vogël (dikujt). Nga *ferra e vogël del lepur i madh. Me *gjuhën e vogël keq. Ka *enë të vogël (dikush) keq. E ka zemrën të vogël (ka zemër të vogël) (dikush) është zemërngushtë, është shpirtvogël; ka shpirt të vogël; kund. e ka zemrën të madhe (ka zemër të madhe) (dikush). Në *kishën e vogël fle një prift i madh. Nuk luan as *gishtin (e vogël) (dikush). *I madh e vogël. *Nevoja e vogël euf. E ka parë *ujkun që i vogël (dikush). *Ujët e vogël (e hollë) euf. S’e vë as në *gishtin e vogël (dikë). Me *zemër (me shpirt) të vogël.
ÇUFRÁK,~E mb. 1. Tufshak. Kolona e makinave në ngutje drejt drurëve çufrak. Kurora çufrake e pishave në bregdet. Makina shkonte drejt dushkajave çufrake.
2. Që është i dendur e i dredhur (për flokët), që ka flokë të tillë. Flokë çufrakë. Vajzë çufrake. Vetulla çufrake.
3. Që është i shkurtër nga shtati; trupvogël, shkurtabiq. Plak çufrak. Po kalonte me poetin çufrak midis turmës.
✱Sin.: tufshak, çufrok, shtatshkurtër, trupvogël, shkurtabiq, i dendur.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë