Fjalori

Rezultate në përkufizime për “çudoj”

Mëso si ta përdorësh
<<< Kthehu te kërkimi kryesor në fjalor

BETEROJ

BETERÓ/J vep., ~ÓVA, ~ÚAR bised., kal. Shëmtoj, prish, përkeq. E beteroi nusen.
✱Sin.: shëmtoj, përçudnoj, përkeq, shformoj, shfytyroj, shpërfytyroj, çudoj, prish.

PËRDHUNOJ

PËRDHUN/ÓJ vep., ~ÓVA, ~ÚAR kal. 1. E shtrëngoj dikë me forcë që të bëjë diçka kundër dëshirës e vullnetit të vet.
2. Kryej një akt të dhunshëm seksual ndaj dikujt që nuk e jep pëlqimin e tij lirshëm, por e refuzon me forcë; çnderoj.
3. Kryej një akt seksual të lirshëm ndaj dikujt që nuk është në gjendje të japë pëlqimin e tij të vërtetë, sepse është nën ndikimin e drogës, të alkoolit, të një sëmundjeje psikike etj.; abuzoj.
4. Prek seksualisht me forcë e në mënyrë të qëllimshme dikë që nuk e jep pëlqimin e vet.
5. fig. Shkel rëndë një ligj, të drejtat e dikujt etj., dhunoj. Përdhunonin të drejtat e pakicave.
6. fig. Prish, shëmtoj diçka të bukur, të mirë a të pastër. Përdhunonin gjuhën.
✱Sin.: dhunoj, çnderoj, turpëroj, çnjerëzoj, zhvirgjëroj, prish, çudoj, abuzoj, kafshëroj, shtazëroj, shtrëngoj, detyroj, shkel, shëmtoj.

PËRÇUDNOJ

PËRÇUDN/ÓJ vep., ~ÓVA, ~ÚAR kal. 1. E shëmtoj shumë dikë, e bëj që të mos shihet me sy. Ua përçudnonte fytyrën lia.
2. fig. E prish dhe e shëmtoj shpirtërisht, bëj që të humbasë vetitë e mira a virtytet; e prish nga ana morale, zvetënoj, e përdhos. Veset e përçudnojnë njeriun.
✱Sin.: çudoj, shfytyroj, shpërfytyroj, shëmtoj, shformoj, përkeq, prish, shkarravesh, shkalavesh, zvetënoj, shthur, përdhos.

SHEMBOJ

SHEMB/ÓJ vep., ~ÓVA, ~ÚAR kal. I prish bukurinë, shëmtoj, përçudnoj; kund. zbukuroj. Sëmundja e kishte shembkuar. Flokët ia shembonin fytyrën. E shemboi barra.
✱Sin.: shëmtoj, përçudnoj, çudoj, përkeq, stërkeq, shformoj, shfytyroj, shpërfytyroj.

SHËMTOJ

SHËMT/ÓJ vep., ~ÓVA, ~ÚAR kal. 1. Ia ndryshoj tiparet duke ia prishur pamjen a bukurinë, e bëj të mos e pëlqejnë të tjerët; e prish; kund. zbukuroj. E shëmtoi sëmundja. Stuhia e shëmtoi pyllin. Plehrat e shëmtojnë pamjen e qytetit.
2. Shtrembëroj fytyrën, ngërdheshem në shenjë mospëlqimi ose nga një ndjenjë e pakëndshme. Shëmtoi fytyrën. E shëmtoi çehren pa folur.
3. fig. Lë shkretë, pa njeri; i heq dikujt a diçkaje gëzimin dhe kënaqësinë e jetës. Iku e na shëmtoi konakun. Na e shëmtoi jetën.
✱Sin.: përçudnoj, çudoj, përkeq, shformoj, shfytyroj, shpërfytyroj, shkalavesh, prish.

ÇUDOJ

ÇUD/ÓJ vep., ~ÓVA, ~ÚAR kal. 1. E përçudnoj dikë. Ia çudoi fytyrën. Çudoj hundën. Dhimbja ia çudoi pamjen.
2. fig., krahin. E çnderoj (për një vajzë). Pushtuesit çudonin çikat.
✱Sin.: përçudnoj, shëmtoj, çnderoj, përdhunoj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë