Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
PAÇRRËNJÓSSH/ËM (i), ~ME (e) mb. Që nuk është i çrrënjosshëm; që nuk mund të çrrënjoset; kund. i çrrënjosshëm.
►SHKÚL/EM jovep., ~A (u), ~UR 1. vetv. Shpërngulem nga një vend, ndërroj vendin e banimit, lë vendin; kund. ngulem. U shkulën nga vatrat e tyre (nga malësia, nga fshati). U shkul me rrënjë e me degë.
2. edhe fig., vetv. Ngrihem e shkoj nga vendi ku jam, shqitem, shkëputem; kund. ngulem; ngrihem nga vendi ku jam e shkoj diku për një qëllim të caktuar (për një numër të madh njerëzish); kryes. v. III ikën, largohet. Nuk shkulej nga vendi (nga karrigia, nga minderi). Nuk shkuleshin nga llogoret. Ishte shkulur e gjithë Vlora (i tërë fshati) për ta pritur. Janë shkulur nga ana e anës (i madh e i vogël). Mezi u shkul. Nuk po shkulet dimri.
3. fig., vetv., vet. v. III Zhduket nga mendja a nga ndërgjegjja e dikujt një mendim ose një pikëpamje e ngulitur a një ndjenjë; zhduket me rrënjë një dukuri; çrrënjoset; kund. ngulet. Nuk shkulen lehtë paragjykimet fetare (zakonet prapanike). Nuk më shkulet nga kujtesa (nga mendja, nga zemra).
4. vetv. Qesh me të madhe, gajasem së qeshuri. U shkulëm gazit (së qeshuri). euf. Dal jashtë, kryej nevojën; më shkon bark.
5. pës. e SHKUL. Liri shkulet (nuk korret). Barërat e këqija është mirë të shkulen me gjithë rrënjë.
✱Sin.: shqitem, shkëputem, zbërthehem, luaj, çmendem; dyndem, shpërngulem, përshkulem, çrrënjoset, zhduket, hiqet, del, ikën, gajasem, shqyhem, fikem, bizgosem, purthem.
►ZHDAVARÍT/ET jovep., ~A (u), ~UR 1. vetv., vet. v. III Shpërndahet andej-këtej, përhapet; davaritet. Tymi (mjegulla) u zhdavarit. Retë filluan të zhdavariten. Errësira po zhdavaritej ngadalë. U zhdavarit zhurma. Kur moti zhdavaritet, vë qeleshen e bardhë. Po zhdavaritej terri i natës.
2. fig., vetv. I largohet a i hiqet dikujt një ndjenjë, një mendim (zakonisht i rëndë) etj.; davaritet. Iu zhdavarit dyshimi (mërzia, hidhërimi). Më zhdavaritet vetmia. Iu zhdavaritën shpresat. Begatia ime zhdavaritet si një re. U zhdavarit terri i padijes. Mund të zhdavariten sadopak mjegullnajat rreth fazave të hershme të gjuhës shqipe.
3. vetv. Zhdukem3. Dhe meraku nuk u zhdavarit për gjithë jetën, aq fort ishte ngulur në thelbin njerëzor.
4. pës. e ZHDAVARÍT.
✱Sin.: shpërndahet, përhapet, largohet, davaritet, shkulet, çrrënjoset, zhduket, shuhet.
►ZHDÚK/EM jovep., ~A (u), ~UR 1. vetv., vet. v. III Pushon së qeni, nuk duket a nuk shihet më në faqe të dheut, nuk është a nuk gjendet më; shuhet, shfaroset; kund. shfaqem. U zhdukën krimbat (mizat). U zhduk një herë e mirë. Në natyrë asgjë nuk zhduket, çdo gjë shndërrohet. U zhduk nga faqja e dheut.
2. vetv. U humbas njerëzve nga sytë, iki dhe nuk dukem për një kohë të gjatë, fshihem; kund. dukem. U zhduk ngadalë (papritur, fluturimthi, sa çel e mbyll sytë). U zhduk në pyll. Se nga ishte zhdukur. U zhduk pa lënë gjurmë. Duket e zhduket. - Ku u zhduke kështu? - Je zhdukur fare! - Zhduku tani! (përçm.). Sa e muer vesh se ç’e priste, iku, u tret, u zhduk e nuk u duk ma për nji kohë të gjatë. (folk.).
3. vetv., vet. v. III Nuk është a nuk shfaqet më (një ndjenjë); largohet fare, shuhet (një dukuri), humb; merr fund diçka; nuk është si më parë; kund. shfaqet. Iu zhduk frika. Iu zhduk ndjeshmëria. Iu zhduk ngjyra e verdhë. U zhduk rreziku. Tek hyri dredhia, u zhduk miqësia. (fj. u.).
4. pës. e ZHDUK.
✱Sin.: zhbëhet, zhbihem, shuhet, vithiset, shkulet, çrrënjoset, shfaroset, fshihem, largohet, zhdavaritet, davaritet.
►ÇRRËNJÓS/ET jovep., ~(u), ~UR vet. v. III 1. vetv. Hiqet përfundimisht një mendim i ngulitur, një shprehi etj.; zhduket diçka e dëmshme; kund. rrënjoset. Çrrënjosen besëtytnitë. Sëmundje që duhet të çrrënjoset. Si çrrënjosen dukuritë negative.
2. pës. e ÇRRËNJÓS. Çrrënjosen shumë bimë hashashi. Në veri çrrënjosen mbeturinat e forcave rebele.
✱Sin.: shkulet, hiqet, nxirret, zhduket.
ÇRRËNJÓSJ/E,~A f. sh. ~E, ~ET Veprimi kur çrrënjos diçka ose kur çrrënjoset; kund. rrënjosje. Çrrënjosja përfundimtare e komunizmit nga Shqipëria. Çrrënjosja e varfërisë. Çrrënjosja e brucelozës në gjedh.
✱Sin.: shkulje, heqje, largim, zhdukje.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë