Fjalori

Rezultate në përkufizime për “çngjyrues”

Mëso si ta përdorësh
<<< Kthehu te kërkimi kryesor në fjalor

NGJYRUES

NGJYRÚES,~E mb. Që shërben për të ngjyer; që përmban lëndë kimike, e cila shërben për të ngjyer (si arra, shega, bathërat etj.); kund. çngjyrues. Lëndë ngjyruese. Bimë ngjyruese.

NGJYRUES

NGJYRÚES,~I m. sh. ~, ~IT 1. Lëndë që shërben për t’i dhënë ngjyrë a për t’i ndërruar ngjyrën diçkaje; lëndë ngjyruese; kund. çngjyrues. Ngjyrues me ngulitës. Pije (ushqime) me ngjyrues. Ngjyrues bimor lëndë që përmbahet në lloje të ndryshme druri, në lëvore, në rrënjë, në lule, në gjethe dhe që përdoret në mjekësi, në kozmetikë dhe në industrinë ushqimore.
2. Punëtori që merret me ngjyrimin në një fabrikë pëlhurash. Ngjyrues i zoti.
✱Sin.: bojatisës, bojaxhi.

ZBARDHËS

ZBÁRDHËS,~I m. sh. ~, ~IT 1. Lëndë që shërben si zbardhëse; zbardhues. Zbardhës për perde. Mora zbardhës rrobash. Klori mund të përdoret si zbardhës. Zbardhës të lëkurës.
2. Ai që merret me zbardhjen e pëlhurave, të punimeve të argjendit a të sendeve të tjera (në një punishte, në një fabrikë etj.).
3. Ai që rishkruan me kujdes e pa gabime diçka që është hedhur në letër shpejt e shpejt, jo qartë e me korrigjime; dikush që hedh në të pastër. Redaktor zbardhës.
4. fig. Ai që merret me sqarimin e diçkaje që nuk është e qartë a që mbahet sekret. Zbardhës i historisë. E heq veten si zbardhës. Zbardhësit e kësaj afere (e kësaj ngjarjeje).
✱Sin.: zbardhues, çngjyrues, çngjyrosës.

ÇNGJYROSËS

ÇNGJYRÓSËS,~E mb. Çngjyrues; kund. ngjyrosës. Krem mjekësor çngjyrosës. Ka një efekt natyral çngjyrosës.

ÇNGJYROSËS

ÇNGJYRÓSËS,~I m. sh. ~, ~IT Çngjyrues; kund. ngjyrosës. Çngjyrosës i xhamit. Mori çngjyrosësin e flokëve. Mori tri shishe me çngjyrosës.

ÇNGJYRUES

ÇNGJYRÚES mb. Që shërben për t’i hequr ngjyrën diçkaje ose për të zbardhur diçka; që çngjyron; kund. ngjyrues. Lëndë çngjyruese. Veti çngjyruese. Karboni çngjyrues. Pluhur çngjyrues. Bojërat çngjyruese janë më të rrezikshmet.
✱ Sin.: çngjyrosës, zbardhues.

ÇNGJYRUES

ÇNGJYRÚES,~I m. sh. ~, ~IT Lëndë që shërben për t’i hequr ngjyrën diçkaje; lëndë çngjyruese; kund. ngjyrues. Çngjyrues për pëlhura (për verën). E zhyt në çngjyrues. Çngjyrues edhe për rroba me ngjyrë origjinale. Përdoret shpesh si çngjyrues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë