Fjalori

Rezultate në përkufizime për “çnderohem”

Mëso si ta përdorësh
<<< Kthehu te kërkimi kryesor në fjalor

NDEROHEM

►NDER/ÓHEM jovep., ~ÓVA (u), ~ÚAR 1. vetv. Dal faqebardhë në një punë, në një veprimtari ose në një rast, dal me nder; kund. turpërohem, çnderohem. Na nderoi me miqtë. U nderuam me këtë punë (me këtë dasmë).
2. pës. e NDERÓJ. Nderohet nga të gjithë. U nderuan me diplomë (me dekoratë). Të nderohet ai që kryen detyrën me devotshmëri. Nderohen të rënët e luftës (e demokracisë). Fitimtarët, cilëtdo të ishin ata, nderoheshin me lavdi të madhe.

SHPËRNDEROHEM

►SHPËRNDER/ÓHEM jovep., ~ÓVA (u), ~ÚAR pës. Çnderohem, turpërohem.

TURPËROHEM

►TURPËR/ÓHEM jovep., ~ÓVA (u), ~ÚAR 1. vetv. Më lind ndjenja e turpit nga diçka e pahijshme a e pandershme, bëhem me turp; më nxihet faqja; druhem, më vjen turp para dikujt. U turpërua menjëherë. Turpërohet shumë. S'ke turp të turpërohesh. U turpërua kur e pa.
2. pës. e TURPËRÓJ.
✱Sin.: marrohem, skuqem, cenohem, zhburrnohem, zhburrërohem, fëlliqem, ndyhem, njollosem, telendisem, sterrohem, koritem, druhem, damkosem, baltosem, çnderohem, përdhosem.

ZHBURRËROHEM

►ZHBURRËR/ÓHEM jovep., ~ÓVA (u), ~ÚAR 1. vetv. Më dobësohet fuqia, guximi e trimëria, humbas vetitë e mira e të larta të burrit, më bie burrëria; kund. burrërohem. Nuk u zhburrëru asnjëherë, bir!
2. vetv. Humbas nderin, turpërohem, poshtërohem (për një burrë). Nuk zhburrërohet burri në këtë moshë.
3. pës. e ZHBURRËRÓJ.
✱Sin.: çnderohem, poshtërohem, turpërohem.

ÇNDERIM

ÇNDERÍM,~I m. sh. ~E, ~ET Veprimi kur çnderoj dikë apo kur çnderohem; kund. nderim. Arroganca çon në çnderim. E akuzuan për çnderim. Kanë pësuar lloj-lloj çnderimesh.
✱ Sin.: çnjerëzim, përdhunim, turpërim, poshtërim.

ÇNJERËZOHEM

►ÇNJERËZ/ÓHEM jovep., ~ÓVA (u), ~ÚAR 1. vetv., vet. v. III Humbet tiparet e jashtme dhe vetitë e njeriut; shndërrohet në kafshë ose në diçka tjetër; kund. njerizohem. Në përralla njerëzit çnjerëzohen. Qyteti po çnjerëzohet dhe zhduket.
2. vetv. Bëhem i egër e i pashpirt, humbas vetitë njerëzore. Njeriu çnjerëzohet shkallë-shkallë. T’i mësojmë të rinjtë që të mos çnjerëzohen. Kush e urren qortimin, çnjerëzohet.
3. pës. e ÇNJERËZÓJ. Miliona civilë po ndëshkohen dhe çnjerëzohen masivisht.
✱ Sin.: kafshërohet, shtazërohet, përdhunohem, çnderohem, egërsohem, çnjerëzohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë