Fjalori

Rezultate në përkufizime për “çmorritem”

Mëso si ta përdorësh
<<< Kthehu te kërkimi kryesor në fjalor

BUBITEM

►BUBÍT/EM jovep., ~A (u), ~UR bised. 1. vetv. Dëlirem prej bubave, çmorritem; pastrohem. Duke u krehur e duke u bubitur.
2. vetv. Çmendem, më luan mendja, më ikin trutë e kokës. - U bubita fare kështu!
3. pës. e BUBÍT.

BUBËRROJ

BUBËRR/ÓJ vep., ~ÓVA, ~ÚAR 1. jokal. Kërkoj e qëroj morrat në trup, në një rrobë ose në flokë; çmorritem.
2. fig., jokal. Bëj punë të vogla për të shtyrë kohën, merrem me vogëlsira e me çikërrima. Bubërron natë e ditë. Bubërronte nëpër shtëpi. Lodhej tërë ditën duke bubërruar nëpër bashtë. Qitmë (më jep) zot ç’të bubërroj. (fj. u.).
3. jokal. Kërkoj me kujdes në të gjitha anët për të gjetur diçka që më nevojitet duke trazuar gjithçka me dorë, rrëmoj, gërmoj. Bubërron nëpër xhepa (në dollap). Bubërroi në tërë shtëpinë, por nuk gjeti gjë. Kishte bubërruar për të shkuarën e tij.
4. jokal. Shkoj andej-këtej, sillem poshtë e lart pa ndonjë drejtim a ndonjë qëllim të caktuar; vërtitem, sorollatem; vet. v. III sillet e gumëzhin (për një turmë ose për një shumicë qeniesh). Turma bubërronte në oborr. Bubërruan për orë të tëra. Bubërronte fshatrave të krahinës. Tufat e zogjve vazhdonin të bubërronin gjithnjë e më ngadalë. I dukej sikur i bubërronin ca miza në tru
5. jokal., vet. v. III Kullot pak këtu e pak atje në vende me pak bar; kërkon ushqim andej-këtej, qëmton, gjëllin (për bagëtitë). Bubërronin qengjat. Zogjtë bubërrojnë. Bubërronin majat e barit.
6. fig., kal. Ngacmoj, cyt. E bubërroi me fjalë. - Mos e bubërro macen! E ka zakon të bubërrojë.
7. jokal. Flas nëpër dhëmbë a bisedoj me zë shumë të ulët, mërmërit, murmurij. Bubërronte duke psherëtirë. Diç bubërroi nëpër dhëmbë. Uli kryet e vazhdoi të bubërrojë diçka.

MBURRATEM

►MBURRÁT/EM jovep., ~A (u), ~UR 1. vetv. Morritem, çmorritem.
2. pës. e MBURRÁT.

MORRITEM

►MORRÍT/EM jovep., ~A (u), ~UR 1. vetv. Shoh nëse kam morra në trup, në kokë, në rroba etj. për t’i zhdukur; qëroj morrat, pastrohem nga morrat, çmorritem. Morritej në diell.
2. pës. e MORRÍT.

PËRMORRITEM

►PËRMORRÍT/EM jovep., ~A (u), ~UR bised., vetv. Çmorritem.

SHKRIMBEM

►SHKRÍMB/EM jovep., ~A (u), ~UR 1. vetv. Lahem e pastrohem mirë e mirë; çmorritem. Vunë kazanin e u shkrimbën.
2. pës. e SHKRIMB.
✱Sin.: çmorritem, lahem, pastrohem.

SHKRIMBEM

►SHKRÍMB/EM jovep., ~A (u), ~UR 1. vetv. Lahem e pastrohem mirë e mirë; çmorritem. Vunë kazanin e u shkrimbën.
2. pës. e SHKRIMB.
✱Sin.: çmorritem, lahem, pastrohem.

ÇMORRITJE

ÇMORRÍTJ/E,~A f. sh. ~E, ~ET Veprimi kur çmorrit dikë a diçka ose kur çmorritem; morritje. Çmorritja e rrobave. Kurse për çmorritjen as që mund të bëhej fjalë. Përfshihet edhe dezinfektimi dhe çmorritja.
✱Sin.: morritje, pastrim, kruajtje, gudulisje, pickim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë