Fjalori

Rezultate në përkufizime për “çmontoj”

Mëso si ta përdorësh
<<< Kthehu te kërkimi kryesor në fjalor

DEMONTOJ

DEMONT/ÓJ vep., ~ÓVA, ~ÚAR libr., kal. 1. Zbërthej në pjesë përbërëse një makineri a një pajisje për ta ndrequr, për ta pastruar etj.; çmontoj, zbërthej; kund. montoj.

2. Heq nga vendi; shkatërroj, e bëj të parrezikshme diçka. Demontoj armë. Demontoj predha. Demontoj mina.

3. edhe fig. Hedh poshtë, nuk pranoj, e quaj pa vlerë a të pavërtetë. Demontoj një akuzë (një teori).

✱Sin.: çmontoj, zbërthej, heq, shkatërroj.

FISHË

FÍSH/Ë,~AI f. sh. ~A, ~AT 1. spec. Kunj a fishek i metaltë e me tel, që futet në folenë e një aparati telefonik a telegrafik ose të një aparati tjetër për të bërë një lidhje. Fut (nxjerr, heq) fishën.
2. Fishe. Çmontoj fishën e vjetër.

MONTOJ

MONT/ÓJ vep., ~ÓVA, ~ÚAR kal. 1. Bashkoj duke i lidhur a duke i mbërthyer pjesët e veçanta të një makine, të një pajisjeje, të një aparati etj. për ta vënë në punë; mbërthej; kund. çmontoj. Punëtorët (robotët) montojnë makinat. Montojnë lavatriçe (televizorë, kompjutera, telefona, tableta). Montojnë uzina (fabrika). Montuan kullën e shpimit.
2. Zgjedh dhe i bashkoj në një të vetme pjesët e diçkaje sipas një kriteri a një qëllimi të caktuar. Montuan foto të shoqeve të klasës në album.
3. kinem. I jap trajtën përfundimtare një filmi, duke bashkuar pjesët e zgjedhura dhe duke prerë a duke shkurtuar pjesët e panevojshme. Montoi një film të ri.
4. Organizoj diçka dhe mundohem që të duket sikur ka ndodhur natyrshëm a vetvetiu pa ndërhyrjen e askujt; vë në skenë, kurdis, inskenoj. Dy personat që montuan aksidentin.
✱Sin.: bashkoj, mbërthej, organizoj, kurdis, inskenoj, trilloj.

ÇINSTALOJ

ÇINSTAL/ÓJ vep., ~ÓVA, ~ÚAR kal., tek. Heq a çmontoj pajisjet teknike, aparatet, makineritë, programet kompjuterike etj. nga vendi ku duhet të punojnë, i bëj të mos funksionojnë; kund. instaloj. Çinstaloj makinerinë. - Si mund të çinstaloj programin kompjuterik? Policia çinstaloi shumë kamera të paligjshme.
✱Sin.: çaktivizoj, çmontoj.

ÇMONTIM

ÇMONTÍM,~I m. sh. ~E, ~ET tek. Veprimi kur çmontoj diçka ose kur çmontohet; kund. montim. Çmontimi i makinerisë. Çmontimi i tornos (i turbinës, i sondës). Punëtorët e çmontimit. Bëj çmontimin.
✱Sin.: zbërthim, çinstalim, heqje, zhbërje.

ÇMONTOJ

ÇMONT/ÓJ vep., ~ÓVA, ~ÚAR kal., tek. 1. Zbërthej në pjesë një makineri a një pajisje etj.; heq nga vendi i vet një mekanizëm, një pajisje etj.; kund. montoj. Çmontoj makinerinë. Çmontoj motorin. Çmontoj një aparat. Çmontoj shinat. Ia del të çmontojë pajisjen apo instalimin e paligjshëm.
2. fig. Zhbëj diçka, hedh poshtë duke nxjerrë thelbin. Shkrimtari i çmontoi klishetë e vjetra poetike. Për ta çmontuar botërisht këtë gënjeshtër. Gazetarja çmonton mashtrimin e kryetarit të bashkisë.
✱Sin.: zbërthej, çinstaloj, heq, zhbëj, shthur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë