Fjalori

Rezultate në përkufizime për “çmbrehur”

Mëso si ta përdorësh
<<< Kthehu te kërkimi kryesor në fjalor

ZBËRTHYER

ZBËRTHÝER (i, e) mb. 1. Që është ndarë në pjesët përbërëse, që është zbërthyer pjesë-pjesë; që është shkulur a është hequr nga vendi ku ishte ngulur ose ishte mbërthyer; kund. i mbërthyer. Dërrasa të zbërthyera. Pjesët e zbërthyera.
2. Që është nxjerrë a është hequr nga vendi ku ka qenë i futur, i mbërthyer ose i kapur; i shkopsitur; kund. i mbërthyer. Me këllëf të zbërthyer. Me rripa të zbërthyer. Me pallto (me këmishë, me pantallona) të zbërthyer. Me gjoks të zbërthyer.
3. spec. I shpërbërë; i dekompozuar. Lëndë e zbërthyer. Molekula të zbërthyera. Albumina të zbërthyera. Në dimër gjedhëve u hidhnin fletë panxhari të grira e të zbërthyera.
4. fig. Që është shqyrtuar e është ndarë në pjesët a në elementet përbërëse dhe është parë nga të gjitha anët, për ta bërë të qartë e të kuptueshme, për të nxjerrë përfundime e detyra etj.; që është analizuar; i shkoqitur, i përimtuar. I zbërthyer me hollësi. Përmbajtje e zbërthyer. Çështjet jepen të zbërthyera. Problema të zbërthyer. Informacion (kod) i zbërthyer.
✱Sin.: i shkopsitur, i hallakatur, i hapur, i zgafulluar, i shpërthekuar, i hardallosur, i prishur, i shkallmuar, i çmbrehur, i lexueshëm, i shkoqitur, i përimtuar.

ZMBREHUR

ZMBRÉHUR (i, e) mb. 1. I çmbrehur. Qe të zmbrehur për t’u çlodhur.
2. fig. Që nuk mban një të fshehtë, që s'është i besës. Njeri i zmbrehur.

ÇMBREH

ÇMBREH vep., ~A, ~UR kal. Çliroj një kafshë nga zgjedha ose nga pajimet e tjera, i heq zgjedhën; kund. mbreh. Çmbreh qetë. Çmbreh kalin. Duhej të mbrehte përsëri kuajt që porsa i kishte çmbrehur. Shkarkonte kuajt ose çmbrehte qetë.
✱Sin.: çliroj, zgjidh, zbërthej.

ÇMBREHET

►ÇMBRÉH/ET jovep., ~(u), ~UR vet. v. III 1. vetv. Çlirohet një kafshë nga zgjedha ose nga pajimet e tjera, del nga zgjedha; kund. mbrehet. Çmbrehen qetë. Çmbrehet kali. Ngordhi kau, çmbrehet penda.
2. pës. e ÇMBREH. Ajo kafshë duhej të ishte çmbrehur prej kohësh dhe të lihej e qetë.
✱Sin.: çlirohet, zgjidhet, zbërthehet.

ÇMBREHUR

ÇMBRÉHUR (i, e) mb. Që është çliruar nga zgjedha ose nga pajimet e tjera (për një kafshë); kund. i mbrehur. Bujku i kishte lënë qetë pa i çmbrehur. I çmbrehur nga ëndrrat. Kuaj tuhafë të çmbrehur nga karroca.
✱Sin.: i çliruar, i zgjidhur, i zbërthyer.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë