Fjalori

Rezultate në përkufizime për “çmbështjellë”

Mëso si ta përdorësh
<<< Kthehu te kërkimi kryesor në fjalor

ZBULUAR

ZBULÚAR (i, e) mb. 1. Që i është hequr a i ka rënë mbulesa, veshja a mbështjellja, që është zbuluar; që nuk ka mbulesë a mbështjellje; kund. i mbuluar. Makinë e zbuluar. Me fytyrë të zbuluar. Vend i zbuluar. Instalime të zbuluara (tek.). Pjesët e zbuluara të trupit. Është gjysmë i zbuluar. Krahët e zbuluar i dukeshin edhe më të gjatë.

2. fig. Që nuk mbrohet a nuk mbulohet prej ndokujt; që ka mbetur pa ndihmë e përkrahje. Sektor i zbuluar. Lojtar i zbuluar (sport.). Mbeti i zbuluar.

✱Sin.: i zhveshur, i hapur, i pambuluar, i çmbështjellë, i zgaqur, i shpërveshur, i pastrehë, i pambrojtur.

ZHDREDHUR

ZHDRÉDHUR (i, e) mb. 1. Që është zhdredhur (për diçka të dredhur), i shpërdredhur. Litar i zhdredhur. Leshra të zhdredhura. Si lamsh pejsh i zhdredhun. Gjalmi i zhdredhur këputet shpejt. (fj. u.).
2. I shthurur. Rizat e zhdredhuna. E kish marrë ashtu të zhdredhur, do ta dridhte prapë në shtëpi.
✱Sin.: i shpërdredhur, i çmbështjellë, i shthurur, i shprishur, i zhdërvjellur, i zhdërjendur.

ÇMBLEDHUR

ÇMBLÉDHUR (i, e) mb. Që është çmbledhur; që është shtrirë pasi është mbledhur; kund. i mbledhur. Ja ku jam me duar të çmbledhura.
✱Sin.: i çmbështjellë, i zhveshur, i zbuluar, i shpërndarë.

ÇMBËSHTJELL

ÇMBËSHT/JÉLL vep., ~ÓLLA, ~JÉLLË kal. 1. E hap diçka që ka qenë e mbështjellë, shtrij diçka që ka qenë e mbledhur rreth e rrotull diçkaje; shtjell, zbledh; kund. mbështjell. Çmbështjell pëlhurën. Çmbështjell rripin. Çmbështjell lëmshin. Çmbështjell fillin. Kishte çmbështjellë vetëm gjysmën e shallit.
2. I heq veshjen a mbështjelljen; zbuloj, zhvesh; kund. mbështjell. Çmbështjell trupin (duart, këmbët, kokën). Çmbështjell librat (fletoret). Jepte urdhër për ta çmbështjellë shkallare pas shkallare piramidën. Do të sulej për ta çmbështjellë atë lëmsh.
✱Sin.: shtjell, zbledh, zbuloj, zhvesh, çmbledh, çmpleks.

ÇMBËSHTJELLË

ÇMBËSHTJÉLLË (i, e) mb. Që është çmbështjellë, që është hapur pasi është mbështjellë; kund. i mbështjellë. Dy gërsheta të çmbështjella i binin në shpinë. Vendosni gozhda të tjera të çmbështjella në trupin e furnizuesit.
✱Sin.: i shpleksur, i zhdredhur, i zhveshur, i zbuluar, i çmbledhur, i çmpleksur.

ÇMPLEKSUR

ÇMPLÉKSUR (i, e) mb. Që është zgjidhur, që është shthurur pasi është thurur; që është çmpleksur; kund. i mpleksur. Flokët e çmpleksur luanin me erën. Fijet e çmpleksura të velenxës. Filli i çmpleksur i historisë.
✱Sin.: i zgjidhur, i shthurur, i prishur, i çmbështjellë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë