Fjalori

Rezultate në përkufizime për “çmërs”

Mëso si ta përdorësh
<<< Kthehu te kërkimi kryesor në fjalor

BIGORR

BIGÓRR,~I m. sh. ~A, ~AT 1. Çmërs1-3. Bigorri i kaldajës. Bigorr i bardhë. Mur me bigorr. Shtresë bigorri. Lëshon (zë) bigorr. Heq (pastroj) bigorrin. Dhëmbë me bigorra. U bë bigorr u forcua shumë, u bë i ngurtë, u bë çmërs.
2. fig., keq. Njeri krejt i pavlerë dhe i dëmshëm për shoqërinë; llumi i njerëzve; pjesa më e pavlefshme a më e keqe e diçkaje; fundërrinë.
3. bised. Veprim i ulët, sjellje a punë e poshtër; fëlliqësi, turp. - Nuk lahet ky bigor! S’i ka mbetur prapa ndonjë bigorr (dikujt) nuk ka lënë gjë pa bërë, i ka bërë të gjitha prapësitë.

GURTH

GURTH,~I m. sh. ~E, ~ET 1. Gur i vogël.
2. mjek., veter. Trup i vogël i ngurtësuar brenda një organi të sëmurë, çmërs i dhëmbëve. Gurth në tëmth (në veshka).
3. Gurës.
4. Fillesa e gjinjve te vajzat në pubertet.
✱Sin.: guralec, çmërs, gurës.

GURËZ

GÚRËZ,~A f. sh. ~A, ~AT Pllaka të verdha që krijohen te dhëmbët, çmërs. Gurëzat e dhëmbëve janë një problem për shëndetin e gojës.

HANDRAK

HANDRÁ/K,~KU m. sh. ~QE, ~QET krahin. 1. Lëng i trashë, qelb. Handraku i plagës. Kullon handrak.
2. Qurra.
3. Jashtëqitja e njeriut dhe e kafshëve; të ndryrët; pleh. Handraku i bagëtive. Handraqet e kandrrave. Handraqe shtazore.
4. kryes. sh. Mbeturinë a mbetje nga diçka e shkatërruar ose e prishur, që nuk hyjnë më në punë; diçka që nuk ka më vlerë, pasi është përdorur gjatë dhe është vjetruar; fundërrinë. Handraqet e tullave. Handraqet e një shtëpie të rrëzuar. Grumbullimi i handraqeve.
5. fig., keq. Punë a veprimtari e ndyrë, ndyrësi; veprim i ulët, i pandershëm dhe i turpshëm. Handraqet e qeverisjes jo dinjitoze. Handraqet e shoqërisë.
✱Sin.: qelb, çmërs, ujerë, qurra, kakëza, jashtëqitje, pleh, fekale, të mbetura, të ndyta, të pëgëra, nevojë, mut, kakë, fundërri, fundërrinë, ndyrësi, ndotësi, fëlliqësi, qelbësirë, lerë, zhul, zgjyrë, lapërdhi, llomështi, pisllëk.

MËRÇ

MËRÇ,~I m. sh. ~E, ~ET 1. Kallo.
2. Shtresë e hollë gëlqerore që formon uji në sipërfaqe kur zien, çmërs, bigorr. Pastroj sipërfaqen e enës me mërç.
3. fig. Brengë e madhe, gur. Nxjerr atë mërçin që ka në shpirt. Kishte një mërç urrejtjeje të pashpjegueshëm.

SHPAN

SHPAN,~I m. sh. ~Ë, ~ËT Çmërs. Copa shpani.

TARTËR

TART/ËR,~RI m. 1. kim. Kripë organike e dytyrtratit të kaliumit me tartratin asnjanës të kaliumit.
2. Fundërresë e kuqërreme që zë buti me verë të re, e cila mund të bëhet pluhur e të përdoret në gatime.
3. Shtresë e fortë e verdhë që formohet mbi dhëmbë; çmërs, gurth, gurëza (të dhëmbëve).

ÇMËRS

ÇMËRS,~I m. sh. ~E, ~ET 1. Lloj shtufi gëlqeror; gur i lehtë gëlqeror me vrima të vogla që përdoret si lëndë ndërtimi. Gur (shkëmb) çmërsi. Shtresë çmërsi. Mur me çmërs. Lëviznin gurët e rëndë, dhe çmërsi, dhe balta.
2. Shtresë e ngurtë që lë uji në faqet e një ene kur zien, bigorr. Çmërsi i kazanit (i ibrikut). Shtresë çmërsi. Lëshon çmërs. Zë çmërs. Heq çmërsin.
3. Cipë e ngurtë që zënë dhëmbët në rrëzë nga kripërat gëlqerore; gurth. Çmërsi i dhëmbëve. Zënë çmërs dhëmbët.
4. Myshk; shtresë nga kalbëzimi i myshkut. Çmërsi i thatë. Çmërs guri. Ujë me çmërs. Ka zënë trungu çmërs.
5. krahin. Qelbi i një plage. I zuri plaga çmërs.
✱Sin.: shtuf, bigorr, gurth, myshk, qelb.

ÇMËRSTË

ÇMËRSTË (i, e) mb. 1. Që është prej çmërsi; që është ndërtuar me çmërs. Shtresë e çmërstë. Breg i çmërstë. Mur i çmërstë.
2. Që është veshur a është mbuluar me myshk. Zgërbonjë e çmërstë. Trung i çmërstë. Mbështetur mbi mermerin e vjetër dhe të çmërstë të tavolinave.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë