Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
PRASHÍT (PRASHÍS) vep., ~A, ~UR kal. 1. Rrëmoj jo thellë tokën e mbjellë, pasi kanë dalë e janë rritur bimët, që të shkrifërohet, të ajroset e të marrë lehtë lagështirën e nevojshme. Prashitin me krahë. Prashit me shatë (me kultivator).
2. Mbath bimët me dhe, përdhej. Prashiti misrin (grurin, pambukun, perimet, vreshtin). Prashit qepët (domatet, lakrat).
3. Punoj tokën e mbjellë dhe qëroj barërat e këqija me shatë ose me kultivator.
4. fig., mospërf., edhe jokal. Flas shumë për një çështje, për të cilën nuk interesohet njeri a nuk tregohet vëmendja e duhur; mundohem me kot ta bind dikë me fjalë, flas kot, shij; Prashit në erë. Lëre të prashitë. Prashiti mbarë e prapë. Prashiti, prashiti, po s’bëri gjë.
5. Flas për një gjë, për të cilën nuk duhet folur; llomotit. Prashit po doganë flet pa e kontrolluar veten.
✱Sin.: çkalit, kep, skalit, skalis, llomotit (llomotis), përdhej, çapit, trazoj, shkrifëroj, shatoj, çokis, dërdëllis, shij.
♦ Prashit në *det (dikush) mospërf. Prashit në *erë (dikush) keq. Prashit në *të thatë (dikush). Prashit (mih) në *ujë (dikush). Prashit (mih) para *vetes (dikush).
PËRKËDHÉL vep., ~A, ~UR kal. 1. E fërkoj dikë lehtë me dorë, i lëmoj një pjesë të trupit për t’i shprehur ndjenja dashurie a dashamirësie, e ledhatoj. I përkëdheli kokën (flokët, faqet, duart).
2. fig., vet. v. III Prek a çik lehtë diçka, lëmon. Valët përkëdhelin bregun. Era i përkëdhelte fytyrën.
3. fig. I them dikujt fjalë të ëmbla, i shpreh me mënyra të ndryshme dashurinë a dashamirësinë. Përkëdhel fëmijën.
4. fig., keq. E marr dikë me të mirë, duke i plotësuar edhe tekat e trillet, duke mos e qortuar për gabimet që bën etj. E kanë përkëdhelur (tepër). Nuk e ka përkëdhelur jeta.
5. fig. Shpresoj me një kënaqësi të brendshme që të më plotësohet një dëshirë a qëllim. Përkëdhelte një dëshirë (një ëndërr) të fshehtë.
✱Sin.: ledhatoj, dhel, lëmoj, mikloj, fërkoj, përgëzoj, llastoj, gëzoj, lajkatoj, lurtoj, lazdroj, lazmoj, ndrys, urtoj, hiroj, argëtoj, çkalit, zbunoj, viduloj, osh, lalush, zdat, lëmes, nanuris, vesk, përhosh, prek, çik, cek, ëmbëlsoj, shpresoj, përkund.
SHKRIFËR/ÓJ vep., ~ÓVA, ~ÚAR kal. 1. E bëj të shkrifët duke e punuar me vegla të ndryshme (për tokën); çapit, capoj. Shkrifëroj tokën me bel. Grami e ka shkrifëruar dheun.
2. E bëj të gjallë e të gëzueshëm në shpirt. Kënga e shkrifëroi. Ia shkrifëroi zemrën ajo telefonatë.
✱Sin.: brydh, zbus, çapit, capoj, lehtësoj, pluhuros, ajroj, derdh, gërmoj, përmih, gjallëroj, çkalit, gëzoj, lënur, shprish, prish.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë