Fjalori

Rezultate në përkufizime për “çekuilibruar”

Mëso si ta përdorësh
<<< Kthehu te kërkimi kryesor në fjalor

CECATUR

CECÁTUR (i, e) mb. 1. Që është cecatur. Dardhë e cecatur.
2. fig. Që e ka prishur qetësinë shpirtërore; i çekuilibruar. Doli nga mbledhja krejt i cecatur.

DESTABILIZUAR

DESTABILIZÚAR (i, e) mb. I paqëndrueshëm, që ka humbur qëndrueshmërinë, i çekuilibruar. Treg i destabilizuar. Situatë e destabilizuar. Vend i destabilizuar.

DISBALANCUAR

DISBALANCÚAR (i, e) mb., libr. Që ka humbur ekuilibrin, baraspeshën ose harmoninë; që është jashtë ekuilibrit ose në një gjendje jo të qëndrueshme; i çekuilibruar; i zhbalancuar; kund. i balancuar; i ekuilibruar. Treg i disbalancuar treg ku furnizimi dhe kërkesa nuk janë në përpjesëtim të drejtë. Person i disbalancuar dikush që po përjeton një gjendje të brishtë emocionale ose mendore.

EKUILIBRUAR

EKUILIBRÚAR (i, e) mb., libr. 1. Që është në gjendje ekuilibri, që është ekuilibruar; kund. i çekuilibruar. Gjendje e ekuilibruar. Ekonomi e ekuilibruar. Forca të ekuilibruara në fushë. Lojë e ekuilibruar. Arritja e marrëdhënieve të ekuilibruara.
2. fig. Që mendon e vepron me maturi. Është një vajzë më e ekuilibruar se unë. Ishte ndër njerëzit më të ekuilibruar që kisha njohur. Komision i ekuilibruar.
3. fig. Që ka një gjendje normale mendore a psikike. Personalitet i ekuilibruar. Qëndrim i ekuilibruar. Dukej i ekuilibruar pas terapisë.
✱Sin.: i baraspeshuar, i harmonizuar, i drejtpeshuar, i qëndrueshëm, i matur.

ÇEKUILIBRUAR

ÇEKUILIBRÚAR (i, e) mb., libr. 1. Që i është prishur ekuilibri; që ka humbur drejtpeshimin, që është në gjendje çekuilibri; kund. i ekuilibruar. Gjendje e çekuilibruar. Bilanc i çekuilibruar. Ekonomi e çekuilibruar. Një dietë e çekuilibruar dhe e pamjaftueshme mund të shkaktojë efekte negative.
2. Që mendon e vepron në mënyrë të parregullt, që nuk ka ekuilibër mendor a shpirtëror. Njeri i çekuilibruar. Qëndrim i çekuilibruar. I çekuilibruar mendërisht. I çekuilibruar emocionalisht.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë