Fjalori

Rezultate në përkufizime për “çaprashit”

Mëso si ta përdorësh
<<< Kthehu te kërkimi kryesor në fjalor

LLOMOTIT

LLOMOTÍT (LLOMOTÍS) vep., ~A, ~UR jokal. 1. Flas mbyturazi e nëpër dhëmbë, them diçka me vete me zë të mbytur. Llomotit me vete. Llomotit nëpër dhëmbë. Llomotitnin bashkë.
2. Flas shumë a kot dhe pa përgjegjësi; flas poshtë e lart për diçka; flas keq a shpif për dikë. Llomotit kot (poshtë e lart). Le të llomotitin sa të duan.
✱Sin.: llap, llapoj, llapëroj, llapëtoj, dërdëllis, xhaunis, bllambullij, rrakatem, turtullit, bluaj, grij, prashit, shij, katroj, gërgërit, gargaris, xërlis, çaprashit, leh, belbëzoj.

PËRÇIT

PËRÇÍT vep., ~A, ~UR kal. 1. vet. v. III Mbars dhinë, ndërzen (për cjeptë).
2. fig., përb. Ngatërroj, çaprashit. Ia përçiti punën.
✱Sin.: mbars, ndërzen, thërpen.

SHAPËRSHIT

SHAPËRSHÍT vep., ~Á, ~ÚR kal. dhe jokal. Flet gjëra pa lidhje e të pakuptimta, çaprashit. Nisi të shapërshitë. Shapërshin derë më derë.
✱Sin.: çaprashit, llomotit.

ÇAPRASHIT

ÇAPRASHÍT (ÇAPRASHÍS) vep., ~A, ~UR bised. 1. kal. Ngatërroj. Çaprashit hesapet. Çaprashit fjalët. Ua çaprashiti punën. Të çaprashitje gishtat brenda xhepave.
2. jokal. Eci duke i ngatërruar këmbët, eci duke i hedhur këmbët shtrembër. Çaprashiti anës arës.
3. jokal., fig. Flas shumë e kot, flas mbarë e prapë, llomotit. Çaprashit mbarë e prapë. - Mos çaprashit ashtu! Pastaj këtë gjuhë e kishte çaprashitur me helenishtet e ndryshme cicëronjëse.
4. I fut të tjerët në grindje. Mbeti duke çaprashitur dynjanë.
✱Sin.: ngatërroj, llomotit, dërdëllis.

ÇAPRAZIT

ÇAPRAZÍT vep., ~A, ~UR jokal. Flas në mënyrë të ngatërruar, përçart; çaprazoj. Mos më çaprazit ashtu.
✱Sin.: çaprazoj, pështjelloj, çaprashit.

ÇARAVIT

ÇARAVÍT (ÇARAVIS) vep., ~A, ~UR kal. Përziej diçka, çaprashit. I çaravita librat e fletoret.
✱Sin.: përziej, ngatërroj, çaprashit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë