Fjalori

Rezultate në përkufizime për “çamçakëz”

Mëso si ta përdorësh
<<< Kthehu te kërkimi kryesor në fjalor

MASTIKË

MASTÍK/Ë,~AIII f. sh. ~A, ~AT Çamçakëz. Përtypte mastikë.

MBLLAQ-MBLLUQ

MBLLAQ-MBLLUQ onom., bised. 1. Zhurma që dëgjohet kur puthim dikë, zakonisht në faqe, duke i përplasur buzët fort. Tezet po putheshin mbllaq-mblluq.
2. Zhurma që dëgjohet kur hamë diçka duke i përplasur buzët fort. Hante çamçakëz mbllaq-mblluq.

MBLLAÇIT

MBLLAÇÍT vep., ~A, ~UR kal. 1. Përtyp e ripërtyp diçka zakonisht me zhurmë e duke e mbajtur për një kohë nëpër dhembë; përçap. Mbllaçit bukë (mish). Mbllaçiti një çamçakëz me mente. Mbllaçiste fara. Mbllaçit duhan. Dhia mbllaçit gjethe.
2. fig. Them diçka duke e shqiptuar jo qartë e si nëpër dhëmbë; e them gjysma-gjysma, kur s’dua ose kur s’mund të shprehem qartë, përtyp. I mbllaçiti fjalët nëpër gojë. Çfarë mbllaçit ashtu? Mbllaçiste gjithfarë gjepurash.
✱Sin.: përçap, përtyp, ripërtyp, bluaj.

ÇAMÇAKËZ

ÇAMÇAKË́Z,~I m. sh. ~Ë, ~ËT 1. Lëndë e ngurtë, e verdhë dhe e tejdukshme, që nxirret nga rrëshira e drurëve halorë dhe që përdoret për ngjitje, izolim dhe për të fërkuar qimet e harqeve të veglave me tela. Çamçakëz për violinë. Lyej qimet me çamçakëz. I pëlqente aroma e çamçakëzit.
2. Lloj gome e përzier me lëndë aromash të ndryshme dhe me sheqer, që mbahet në gojë për ta përtypur, por jo për ta gëlltitur, mastikë. Një copë çamçakëz. Përtyp (mbaj në gojë) çamçakëz. Zhurma e plasjes së flluskave të çamçakëzëve. Një dentist ka zbuluar se sa kohë duhet ta përtypni çamçakëzin.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë