Fjalori

Rezultate në përkufizime për “çam”

Mëso si ta përdorësh
<<< Kthehu te kërkimi kryesor në fjalor

BREDH

BREDH,~I m. sh. ~A, ~AT bot. 1. (lat. Pinus abies; Picea abies; Picea Excelsa; Abies picea) Dru halor përherë i gjelbër me kurorë me majë, që lëshon boçe të gjata dhe që përdoret më shumë për mobilie; çam. Bredh i kuq. Bredhi i Vitit të Ri. Dru bredhi. Boçe (halë) bredhi. Pyll bredhash.
2. Pjesë e parë e emërtimeve të pathjeshta për disa nga llojet e këtij druri. Bredh i bardhë (lat. Abies alba; Abies pectinata; Abies picca) bredh i viseve të larta malore, që rritet deri pesëdhjetë metra i lartë, me trung të trashë, me hala të argjendta në të kaltër dhe me boçe konike të gjata. Bredh i zi (lat. Abies nigra; Picea nigra) bredh deri pesëdhjetë e pesë metra i lartë, me trung të trashë, me hala të gjata e me boçe gjatoshe.

ÇAM

ÇAM,~II m. sh. ~Ë, ~ËT Banor vendës i Çamërisë ose me prejardhje nga Çamëria. Fshatrat e çamëve. Çamët kalonin nga Himara. E folmja e çamëve. Amaneti i çamëve kalon brez pas brezi.

ÇAM

ÇAM,~III m. sh. ~E, ~ET bot. Bredh. Çam i bardhë. Dru çami. Pyll çami.

ÇAM

ÇAM,~E mb. Që i përket ose lidhet me Çamërinë ose me çamët, që është karakteristik për Çamërinë ose për çamët; që është krijuar nga çamët. Popullsia çame. Grua çame. Nëndialekti çam. Valle (këngë) çame. Veshje çame.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë