Fjalori

Rezultate në përkufizime për “çajnik”

Mëso si ta përdorësh
<<< Kthehu te kërkimi kryesor në fjalor

IBRIK

IBRÍK,~U m. sh. ~Ë, ~ËT Enë e rrumbullakët prej metali, prej balte a prej porcelani, me madhësi të ndryshme, me grykë të ngushtë, me vegjë e me lëfyt, që shërben për ujë a për të pirë me të, për të zier kafe, çaj etj. Ibrik i argjendtë (i kallajisur). Ibrik bakri (zinku). Ibrik balte. Ibrik çaji (kafeje). Pi ujë me ibrik.
✱Sin.: çajnik, bilike, fytak, kokme.
♦ S’i zë *kallaji në ibrik (në misur) (dikujt).

PIGAL

PIGÁL,~I m. sh. ~Ë, ~ËT Lëfyt. Çajnik me pigal.

ÇAJNIK

ÇAJNÍK,~U m. sh. ~Ë, ~ËT Enë me lëfyt, me kapak dhe me dorezë, që shërben për të zier a për të valuar çajin; ibrik çaji. Çajnik porcelani. Vë çajnikun në zjarr. Çajniku po vlonte. Hyri në dhomë me një çajnik. Në një çajnik hidhni një lugë çaj.

ÇAJORE

ÇAJÓR/E,~JA f. sh. ~E, ~ET Filxhan i madh ose gotë për të pirë çaj. I dhuruan një çajnik me tri çajore.

ÇMBËSHTILLET

►ÇMBËSHT/ÍLLET jovep., ~ÓLLA (u), ~JÉLLË vet. v. III 1. vetv. Hapet diçka që ka qenë e mbështjellë, shtrihet a zgjatet diçka që ka qenë e mbledhur; kund. mbështillet. Çmbështillet lëmshi. Një sasi çaji në një çajnik çmbështillet dhe mbush çajnikun. Shiriti i çelikut i zhveshur çmbështillet me kujdes.
2. vetv. Heq veshjen a rrobat që kam në trup; zbulohem, zhvishem; kund. mbështillem. U çmbështoll nga pelerina që e hodhi tej. Harta e kujtimeve çmbështillet përsëri tek unë.
3. pës. e ÇMBËSHTJÉLL.
✱Sin.: hapet, shtrihet, zbulohem, zhvishem, çmblidhet, çmplekset.
♦ Po i çmbështillet lëmshi dikujt po i afrohet vdekja, po shkon drejt mbarimit të jetës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë