Fjalori

Rezultate në përkufizime për “rropatur”

Mëso si ta përdorësh
<<< Kthehu te kërkimi kryesor në fjalor

ALLAVITUR

ALLAVÍTUR (i, e) mb. I rropatur, i munduar, i rraskapitur. Erdhi i allavitur. Me trup të allavitur.

MUNDUAR

MUNDÚAR (i, e) mb. 1. Që është lodhur e është rropatur shumë, që është munduar (në punë). Ndezi një cigare, i munduar gjatë gjithë ditës nga rruga e vështirë. Në fytyrat e munduara dukeshin shenjat e pagjumësisë.
2. Që ka vuajtur shumë, që ka kaluar vuajtje e hidhërime të mëdha, që është munduar gjatë jetës; i vuajtur. Njeri i munduar nga jeta (nga sëmundja). Popull i munduar. Këndonte me zë të lodhur e të munduar.
3. Që më bën të vuaj, që më shqetëson a më grin përbrenda; që më vret shpirtin. U ul në karrige i munduar nga dyshimet (kujtimet, frika, paniku, ankthi).
✱Sin.: i lodhur, i rropatur, i vuajtur, i vrarë, i torturuar, i sfilitur, i dëshnisur, i flluskosur, frymëkëputur, i hakatur.

MUNDUAR

MUNDÚAR,~A (e) f. sh. ~A, ~AT (të) Ajo që është lodhur e rropatur tej mase, ajo që është munduar shumë (në punë, nga vuajtjet etj.).

MUNDUAR

MUNDÚAR,~I (i) m. sh. ~, ~IT (të) Ai që është lodhur e rropatur tej mase, ai që është munduar shumë (në punë, nga vuajtjet etj.). Ngrihuni ju, o të munduar!... I veçuari, i munduari. (fj. u.) kush ndahet nga shokët është i pafuqishëm e vuan, bashkimi bën fuqinë.

PEDATUR

PEDÁTUR (i, e) mb. I rropatur; i munduar; i robtuar. Njeri i vuajtur e i pedatur.

RROPATUR

RROPÁTUR (i, e) mb. Që është rropatur. Nuk bëhen punët me njerëz të rropatur.

STRAPACUAR

STRAPACÚAR (i, e) mb., bised. Që është strapacuar. Njeri i strapacuar. Nuk ishte shumë i strapacuar. Gruaja e strapacuar nuk ankohej. Djali i strapacuar nuk e ndalte punën.
✱Sin.: i shkalafendur, i kapitur, i munduar, i stërmunduar, i rropatur.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë