Fjalori

Rezultate në përkufizime për “qokël”

Mëso si ta përdorësh
<<< Kthehu te kërkimi kryesor në fjalor

KAQOL

KAQÓL,~I m. sh. ~Ë, ~ËT bised., mospërf. 1. Gur xhol; xhol, qokël.
2. Burrë a djalë kaqol; njeri budalla. Është kaqol.
✱Sin.: xhol, qokël, budalla, mendjelehtë.

QOKËL

QÓK/ËL,~LA f. sh. ~LA, ~LAT 1. Kaqol në lojën e fëmijëve. Gjuaj me qokël. Qokla e arrave.
2. Diçka në trajtë të një rrotulle të vogël. Iu bë qokël në tru. Qokla e syrit rrethi i zi i syrit, që ka në mes bebëzën.

QOKËLOHEM

►QOKËL/ÓHEM jovep., ~ÓVA (u), ~ÚAR 1. vetv. Gjuhem. Goditem me një tjetër. U qokëluam me gurë.
2. pës. e QOKËLÓJ. Ngacmohem, cytem. Qokëlohem me fjalë goditëse.
✱Sin.: gjuhem, ngacmohem, ngucem, ngitem, thumbohem.

QOKËLOJ

QOKËL/ÓJ vep., ~ÓVA, ~ÚAR kal. 1. Gjuaj me gur a me qokël. Qokëloi me gur nga oborri.
2. fig. Ngacmoj, cyt. E qokëloi rëndë me fjalë.
✱Sin.: nguc, thumboj, ngas.

SALLT

SÁLLT,~I m. sh. ~E, ~ET Kokërr arre e madhe dhe e rëndë ose gur, me të cilën fëmijët goditin arrat ose gurët e tjerë kur luajnë. Sallt i madh. Sallti i rëndë. E goditi me sallt. Di të gjuajë mirë salltin.
✱Sin.: qokël, kaqol, xhol, koç.

VOL

VOL,~II m. sh. ~A, ~AT 1. Tri kokrra arra me një tjetër përsipër, me të cilat luajnë fëmijët; pilë arrash a pemësh; kokrra më e madhe, me të cilën fëmijët goditin pilën e arrave kur luajnë, kaqol, qokël. Ngriti volin. Rrëzoi volin. Gjuajnë volin. E goditi volin me kaqol. I bie (gjuaj) volin me kaqol.
2. Sasi fare e vogël pemësh, një grusht; shportë e vogël për pemë. Një vol arra (fiq). E mbushi shportën me disa vola dardha (mollë). Gjyshja na dha nga një vol fiq të thatë secilit prej nesh.
✱Sin.: kaqol, qokël, pilë, çok, shportë.

XHOL

XHOL,~II m. sh. ~A, ~AT 1. Arra ose guri më i madh, me të cilin goditen arrat e tjera ose gurët e tjerë në një lojë; guri që hedhim e presim në lojën guraçokthi; kaqol; qokël. Xholi i madh. Xhol i rëndë (i lehtë). E gjuajti (e goditi) me xhol. Priti xholin.
2. Pjesë e një sendi në trajtë të rrumbullakët, kokë. Xholi i çomanges.
✱Sin.: kaqol, qokël.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë