Fjalori

Rezultate në përkufizime për “plastelinë”

Mëso si ta përdorësh
<<< Kthehu te kërkimi kryesor në fjalor

PLASTELINË

PLASTELÍN/Ë,~A f. 1. Lëndë plastike e butë, që përgatitet duke përzier deltinë me dyllë e me yndyrë dhe që përdoret nga nxënësit për punëdore etj. Plastelinë e kuqe (e gjelbër). Punime me plastelinë.
2. edhe si mb. Njeri i qullët, qullash.
3. edhe si mb. Ai që e kthehet nga fryn era, i pakarakter; ai që mban anë e bëhet dyshek i të tjerëve.

PLASTICINË

PLASTICÍN/Ë,~A f. Plastelinë.

PËRLYEJ

PËRL/ÝEJ vep., ~ÉVA, ~ÝER kal. 1. E bëj me lyrë, e lyros. E përleu me yndyrë. E përleu mbulesën.
2. E bëj me njolla, e ndot gjithandej, e fëlliq diçka që ishte e pastër. E përlyen me baltë (me plastelinë). Përleu dorën (këmbën) me gjak.
3. E ndyj diçka me lëndë të dëmshme a helmuese; e mbush me mikrobe që shkaktojnë sëmundje, e ndot; e turbulloj. E përleu ujin (mishin). Përleu mjedisin. E përleu me mikrobe.
4. fig. Bëj që dikush të humbasë emrin e mirë, e njollos dikë, i vë njollë. I përlyen emrin. Nuk e përlyejmë traditën familjare Nuk e përlyejnë dot luftën e bërë për bashkim kombëtar.
5. fig. E prish, e bëj që të humbasë pastërtinë morale. E përleu veten e uli kokën njerëzve të tij.
✱Sin.: lyros, përlyr, pëlyr, ndot, ndyj, yndyroj, yndyros, fëlliq, njollos, lyej, zhyej, përdhos, zhgërryej, laturis, llackos, bëj, turbulloj, turpëroj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë