Fjalori

Rezultate në përkufizime për “montohet”

Mëso si ta përdorësh
<<< Kthehu te kërkimi kryesor në fjalor

ENËLARËS

ENËLÁRËS,~I m. sh. ~, ~IT 1. Ai që lan enët e kuzhinës. Kishte filluar punë si enëlarës. Nga enëlarës në milioner. Në kuzhinë kishte tre enëlarës të zhurmshëm.
2. Pajisje a makinë që lan enët; lavastovilje. Lidhni enëlarësin me furnizimin e energjisë. Vrima rrjedhëse nga enëlarësi lidhet me sifon. Montohet tek enëlarësi.

MBIRRESHTOR

MBIRRESHTÓR,~E mb. 1. let., gjuh. Që nuk shprehet drejtpërdrejt në fjalët a rreshtat e tekstit, por nënkuptohet ose deduktohet nga të dhëna të tjera shoqëruese. Bashkëbiseduesi mundohet të zbulojë një informacion mbirreshtor në thënie.
2. Pjesë e dytë e emërtimeve të ndryshme teknike. Zhbarrëzues mbirreshtor pajisje që montohet në seksionet e kultivatorëve prashitës për të shkulur barërat e këqija

MONTIM

MONTÍM,~I m. sh. ~E, ~ET 1. Veprimi kur montoj ose kur montohet diçka. Montim pajisjesh. Uzina e montimit të automobilave. Vegla montimi. Skuadra e montimit. Montimi i filmit.
2. Diçka jo e vërtetë ose jo reale që krijohet duke bashkuar me anë të teknologjisë pjesë të ndryshme të pamjeve filmike, fotografike etj.; sajesë që arrihet duke montuar pjesë të ndryshme në një video, në një foto a në një ngjarje të vetme; trillim, sajim. Ai tha videoja nuk ishte reale por një montim.
3. Krijim letrar, muzikor etj., që bëhet duke bashkuar pjesë të zgjedhura të një vepre ose të disa veprave. Montim muzikor (letrar, koreografik).
✱Sin.: montazh, bashkim, lidhje, mbërthim, krijim, trillim, sajim, inskenim.

MONTUESHËM

MONTÚESH/ËM (i), ~ME (e) mb. Që mund të montohet, që mbërthehet e zbërthehet (për makina, pajisje, aparate etj.). Vinç i montueshëm. Skelë e montueshme. Pjesë të montueshme. Vinç i montueshëm. Barakë e montueshme. Ura betonarmeje të montueshme.

MORSETË

MORSÉT/Ë,~A f. sh. ~A, ~AT Vegël pune e përbërë nga dy nofulla prej druri a prej metali, që montohet në një dërrasë pune ose në bazën e një makinerie tjetër dhe mundëson bllokimin, shtrëngimin apo ngjeshjen e diçkaje që përpunohet; mengene. Morsetë për dru. Morseta që përdoren për shtrëngimin dhe fiksimin e kavove të çelikut. Morseta dore. Set me katër morseta.

PAMONTUESHËM

PAMONTÚESH/ËM (i), ~ME (e) mb. Që nuk është i montueshëm; që nuk mund të montohet; kund. i montueshëm. Çelës i pamontueshëm. Pajisje të pamontueshme.

PJERRTËSUAR

PJERRTËSÚAR (i, e) mb. I pjerrësuar. Sita montohet pak e pjerrtësuar.

ÇMONTOHET

►ÇMONT/ÓHET jovep., ~ÚA (u), ~ÚAR tek., vet. v. III, pës. e ÇMONTÓJ; kund. montohet. Të çmontohet skela dhe të hiqet ekrani. Kur çmontohet sistemi komunist, çmontohet edhe baza e tij ekonomike. Ishte duke çmontuar një derë të blinduar.
✱Sin.: zbërthehet, çinstalohet, hiqet, zhbëhet, shthuret.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë