Fjalori

Rezultate në përkufizime për “mirëkuptues”

Mëso si ta përdorësh
<<< Kthehu te kërkimi kryesor në fjalor

MENÇUR

MÉNÇUR (i, e) mb. 1. Që është i hollë e i mprehtë nga mendja, që i kap gjërat shpejt dhe i kupton drejt; që gjykon mirë e thellë, punon me mend e me urtësi; i zgjuar. Burrë i mençur. Drejtuese e mençur.
2. Që di shumë, i ditur. Njeri (plak) i mençur. Jeta (përvoja) të bën të mençur.
3. Që është thënë a është bërë me mend e me vend, që është thënë a është bërë ashtu si duhet; që është menduar mirë e thellë dhe që të mëson si të veprosh e të sillesh; i urtë, i matur. Fjalë (këshillë) e mençur. Punë (sjellje) e mençur. Veprim i mençur.
✱Sin.: i mençëm, i mendshëm, i zgjuar, mendjemprehtë, mendjehollë, i hollë, i kokët, mirëkuptues, veshtar, mendar, mendak, mendjak, mendalok, mendor, i ditur, i urtë, i matur, i zgjuar, mjekërbardhë, truhollë, i dijshëm, i pjekur, i rëndë.

MIRËKUPTUES

MIRËKUPTÚES,~E mb. Që mundohet të gjejë gjuhën e përbashkët me dikë, që gjen mirëkuptim për një çështje a problem. Prindërit mundohen të jenë mirëkuptues ndaj fëmijëve.

MIRËKUPTUESHËM

MIRËKUPTÚESH/ËM (i), ~ME (e) mb. 1. Që të mirëkupton, që është mirëkuptues. Opinioni i atëhershëm nuk ishte aq i mirëkuptueshëm.
2. Që mund të kuptohet mirë dhe drejt, që gjen mirëkuptim. Ky veprim i tij është i mirëkuptueshëm. Gjej një zgjidhje të mirëkuptueshme.

MOSMIRËKUPTUES

MOSMIRËKUPTÚES,~E mb. Që nuk mundohet ose nuk dëshirën të gjejë gjuhën e përbashkët me dikë, që nuk gjen mirëkuptim për një çështje a problem, që nuk është mirëkuptues; kund. mirëkuptues. Pse është kaq mosmirëkuptues ai? Ishin arsyetime mosmirëkuptuese.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë