Fjalori

Rezultate në përkufizime për “hajat”

Mëso si ta përdorësh
<<< Kthehu te kërkimi kryesor në fjalor

ARALLËK

ARALLË́/K,~KU m. sh. ~QE, ~QET vjet. 1. Vend i zbrazët, hapësirë e lirë midis dy sendeve, largësi; plasë. Arallëqet e gurëve. Lë arallëk. Ka arallëk.
2. Mesore a rruginë ndërmjet dhomave në shtëpitë e tipit të vjetër. Shtroi arallëkun me qilim.
3. Hajat, treme. Arallëku i portës.
4. Kohë e lirë; nge; pushim. S’kam (s’gjej) arallëk. Nuk i lë arallëk. S’bën arallëk nuk pushon. I jap arallëk. Lë arallëk lë shteg, lë vend.
✱Sin.: zbrazëti, hapësirë, largësi, plasë, hajat, treme.

BUHAR

BUHÁR,~II m. sh. ~Ë, ~ËT Hajat. Buhari i shtëpisë. Rri në buhar.

HAJAT

HAJÁT,~I m. sh. ~E, ~ET 1. Shesh përpara derës së një ndërtese, i shtruar me dhe të ngjeshur ose me rrasa, i mbuluar me çati të vendosur mbi shtylla, zakonisht i parrethuar me mur ose i rrethuar me mure të ulëta a me parmakë; treme. Për të mos e ndier vapën e madh rrinim në hajat. Hajat i shtruar. Hajat me mure (me parmakë). Hajati i shtëpisë. Shtyllat e hajatit. Rrinte (doli) në hajat.
2. Pjesë e gjerë në katin e poshtëm të një ndërtese, ku hyhet nga dera kryesore (zakonisht e shtruar me pllaka guri, mermen etj.). Hajat i madh (i gjerë, i ngushtë, i gjatë). Shkallët e hajatit.
3. bised. Hauri i bagëtive në katin e poshtëm të shtëpisë, qilar. Hajati i lopëve. I mbylli kuajt në hajat. E futi qerren në hajat.
4. bised. Ndërtesë e thjeshtë njëkatëshe me çati të lartë e pa mure, që shërben për të mbajtur veglat bujqësore.
5. fig., vjet. Limer. Hajati i kaçakëve (i hajdutëve).
✱Sin.: treme, arallëk, qilar, ahur, shesh.

HANGAR

HANGÁR,~I m. sh. ~E, ~ET 1. Ndërtesë me një çati mbi shtylla druri a betoni dhe pa mure, që shërben për të tharë prodhimet e ndryshme bujqësore, për t'i mbrojtur nga dielli e nga moti i keq ose për të mbajtur në të mjete e vegla bujqësore. Hangar duhani (drithi, bari). Hangarët e pambukut. Fut në hangar.
2. Ndërtesë e veçantë, shumë e madhe dhe e gjerë, ku qëndrojnë, ruhen ose ndreqen aeroplanë. Hangar aeroplanësh (avionësh). Hangari i aeroportit.
✱Sin.: ndërtesë, hajat, magazinë.

PLOJË

PLÓJ/Ë,~AII f. sh. ~A, ~AT 1. Vathë bagëtish; hajat.
2. fig. Vatër.

PORTIK

PORTÍK,~U m. sh. ~Ë, ~ËT arkit. Hyrje e gjerë në një ndërtese, zakonisht me dy rreshta shtyllash dhe e mbuluar me çati; hajat. Portiku i muzeut. Portik me shtylla mermeri.

TREME

TRÉM/E,~JA f. sh. ~E, ~ET 1. Hajat. Treme e madhe (e gjerë). Tremja e shtëpisë. Rrinte në treme.
2. Portik. Tremja e Solomonit.

VERANDË

VERÁND/Ë,~A f. sh. ~A, ~AT Pjesë e dalë si ballkon i gjerë në anën ballore të shtëpisë, ku rrinë njerëzit zakonisht në verë. Veranda e shtëpisë (e hotelit). Doli (u ngjit, rrinte) në verandë.
✱Sin.: hajat, treme, arallëk, portik.

ÇEPELIT

ÇEPELÍT vep., ~A, ~UR bised. 1. kal. Gdhend nga pak me brisk ose me një vegël tjetër një copë druri. Çepelit një shkop. Çepelit me brisk (me sqepar). Unë çepelit e pre.
2. jokal., fig. Merrem me diçka të vogël sa për të kaluar kohën, eglendisem. Rri gjithë ditën e çepelit. Isha shtruar në hajat / çepelitja me rahat.
✱Sin.: gdhend, skalis, eglendisem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë