Fjalori

Rezultate në përkufizime për “gjethon”

Mëso si ta përdorësh
<<< Kthehu te kërkimi kryesor në fjalor

DUSHKOHET

►DUSHK/ÓHET jovep., ~ÚA (u), ~ÚAR vet. v. III 1. vetv. Mbulohet me gjethe të reja, lëshon gjethe të reja, gjethon. Dushkohet pylli.
2. vetv. Mbushet me dushqe. Dushkohet mali.
3. pës. e DUSHKÓJ2.

DUSHKOJ

DUSHK/ÓJ vep., ~ÓVA, ~ÚAR jokal. 1. vet. v. III Mbulohet me gjethe të reja, lëshon gjethe të reja, gjethon. Dushkoi pylli.
2. vet. v. III Mbushet me dushqe. Dushkoi mali.
3. Pres degë të vogla dushku me gjethe për t'i përdorur si ushqim për bagëtinë, bëj dushk. Shkoi në pyll për të dushkuar.

FLETON

FLET/ÓN vep., ~ÓI, ~ÚAR v. III Nxjerr gjethe, gjethon; mugullon. Fletojnë drurët në pranverë.

GJETHIM

GJETHÍM,~I m. sh. ~E, ~ET Veprimi kur gjethon. Gjethimi i bimëve. Gjatë gjethimit të drurëve.
✱Sin.: gjethësim, gjethërim.

GJETHNOHET

►GJETHN/ÓHET jovep., ~ÚA (u), ~ÚAR vetv. Mbushet me gjethe të reja; gjethon. Bima gjethnohet në pranverë.
✱Sin.: gjethësohet, gjethohet.

GJETHNON

GJETHN/ÓN vep., ~ÚA, ~ÚAR kal. Mbulon me gjethe të reja; gjethon.

GJETHON

GJETH/ÓN vep. ~ÚA, ~ÚAR 1. jokal. Lëshon, nxjerr gjethe të reja, fillon të mbushet me gjethe të reja. Gjethojnë bimët. Gjethojnë pyjet.
2. kal. Mbulon me gjethet e gjelbra që lëshon. Fieri gjethon gjithë kodrën.
✱Sin.: ngjethon, shkemon, fleton, dushkon, gjethëron, gjethëson.

GJETHËRON

GJETHËR/ÓN vep., ~ÓI, ~ÚAR jokal., vet. v. III Lëshon a nxjerr gjethe; nis të nxjerrë gjethe; gjethon. Gjethëruan pemët. Lajthitë patën gjethëruar.

GJETHËSON

GJETHËS/ÓN vep., ~ÓI, ~ÚAR jokal., vet. v. III Gjethon.

LULËZOJ

LULËZ/ÓJ jovep., ~ÓVA, ~ÚAR 1. jokal., vet. v. III Çel lule; nxjerr lule; end (për bimët); kund. çlulëzoj. Lulëzoi qershia (molla, dardha, pjeshka). Lulëzuan ullinjtë. Lulëzoi trëndafili (karafili).
2. jokal., vet. v. III Mbushet me lule; ka bukuri të madhe, hijeshohet nga lulet e nga gjelbërimi. Lulëzuan fushat (kopshtet, livadhet). Lulëzoi natyra.
3. fig., kal. E bëj të bukur dikë a diçka, i jap pamje shumë të bukur, e zbukuroj. E kemi lulëzuar vendin. E lulëzoi çupën (nusen).
4. fig., vet. v. III Zhvillohet shpejt e mirë, ecën shumë mbarë, përparon. Lulëzon shkenca (arti, letërsia, teknika). Lulëzon ekonomia. Lulëzon vendi.
✱Sin.: lulëzoj, gjelbëroj, bleroj, jeshiloj, hijeshoj, shpërthen, end, hap, gjethon, hijeshon, zbukuroj, zhvillohet, përparon.
♦ I lulëzon (i lulon) *bahçja (edhe) në dimër (dikujt). Më lulëzon *zemra.

NGJETHET

NGJÉTH/ET jovep., ~ (u), ~UR vetv. 1. Lëshon gjethe, vishet me gjethe. U ngjeth mali. U ngjethën plepat. U ngjeth hardhia.
2. fig. Përtërihet, këndellet. Ngjethet natyra në pranverë.
✱Sin.: gjethon, gjethet, gjethëron, gjethësohet, gjethëson, lulëzon, përtërihet, këndellet.

NGJETHOJ

NGJETH/ÓJ vep., ~ÓVA, ~ÚAR 1. kal. E thur ose e mbuloj me degë të njoma, që kanë gjethe. E ngjethoi tendën. Ngjethoi një kasolle në krye të arës.
2. jokal., vet. v. III Gjethon.

PROZHËM

PRÓZH/ËM,~MI m. sh. ~ME, ~MET Pyll i vogël; korije, zabel. Gjethon prozhmi.

SHKEMON

SHKEM/ÓN vep., ~ÓI, ~ÚAR jokal. Lëshon gjethe e degë të reja (për drurët); gjethon. Shkemoi pema. Nisi të shkemojë lastari.
✱Sin.: gjethon, gjethet, gjethëron, gjethëson.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë