Fjalori

Rezultate në përkufizime për “garant”

Mëso si ta përdorësh
<<< Kthehu te kërkimi kryesor në fjalor

AVALIST

AVALÍST,~I m. sh. ~Ë, ~ËT fin. 1. Garantues i pagesës së borxhit në rast të mosshlyerjes nga huamarrësi; ai që merr përgjegjësi ligjore për shlyerjen e borxhit të dikujt. Banka kërkoi një avalist. Avalisti mbuloi debitorin. Për kredinë më duhej një avalist.
2. Ai që merret me sigurimin e kontratave financiare, veçanërisht në transaksione që përfshijnë huamarrjen dhe kreditë. Avalisti përgjigjet ligjërisht për huamarrjen. Banka veproi si avalist.
✱Sin.: garant, garantues, dorëzan, dëshmitar, mbulues, shlyes.

DORËZANË

DORËZÁN/Ë,~I m. sh. ~Ë, ~ËT Ai që zotohet të përmbushë detyrimet e dikujt, i cili s’i plotëson dot vetë. Ishte dorëzani i të vëllait. janë caktuar dorëzanët nga të dy palët. As për peng, as për dorëzanë. (fj. u.).
✱Sin.: dorëzanës, garant, garantues, dalzotës, mbrojtës.

GARANT

GARÁNT,~I m. sh. ~Ë, ~ËT Ai që merr përsipër ose detyrohet të përgjigjet materialisht a moralisht për aftësinë, për veprimet a për sjelljen e dikujt tjetër ose për cilësinë e një malli; ai që jep a lëshon garanci; dorëzanë. Është garant. Bëhet (hyn) garant.

GARANTOHEM

►GARANT/ÓHEM jovep., ~ÓVA (u), ~ÚAR 1. vetv. Marr mbi vete përgjegjësinë për dikë a për diçka dhe përgjigjem materialisht a moralisht për të; bëhem garant për dikë a për diçka, bëhem dorëzanë, dorëzanohem. Garantohem për mallin. Garantohem unë për atë.
2. pës. e GARANTÓJ. U garantohet puna nga shteti. I garantohet me ligj.

GARANTOJ

GARANT/ÓJ vep., ~ÓVA, ~ÚAR kal. 1. Ia bëj dikujt të sigurt diçka, e siguroj. I garanton punë. I garanton jetën.
2. E siguroj plotësisht e me përgjegjësi dikë se është a do të bëhet siç them unë; hyj garant, dorëzanohem.
✱Sin.: siguroj, dorëzanoj, përgjigjem.

GARANTUES

GARANTÚES,~I m. sh. ~Ë, ~ËT Ai që bëhet garant, dorëzanë.

QEFIL

QEFÍL,~III m. sh. ~Ë, ~ËT vjet. 1. Dorëzanë; garant. Hyri qefil. E bëri qefil.
2. Dorëzani.
✱Sin.: dalzotës, garantues, garanci.

XHIRANT

XHIRÁNT,~I m. sh. ~Ë, ~ËT ek. Ai që siguron kthimin e një kredie, që merr përgjegjësinë e shlyerjes së detyrimit, në rast se huamarrësi nuk e paguan. Banka kërkoi dy xhirantë.
✱Sin.: garant, dorëzanë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë