Fjalori

Rezultate në përkufizime për “çngjyrosje”

Mëso si ta përdorësh
<<< Kthehu te kërkimi kryesor në fjalor

AKROMATIZËM

AKROMATÍZ/ËM,~MI m., fiz., kim. 1. Pangjyrësi, zbehtësi, akromazi; mënjanim i ngjyrës përmes prizmave ose lenteve akromatike, çngjyrosje; kund. kromatizëm.
2. Mungesë e ngjyrosjes spektrore të imazheve në xhamat optikë.
3. Zbehtësi e përkohshme e shkaktuar nga qëndrimi në ambiente verbuese (në sipërfaqet të zbardhuara nga bora), akromazi.
✱Sin.: çngjyrosje, pangjyrësi, zbehtësi, akromazi.

NGJYROSJE

NGJYRÓSJ/E,~A f. Veprimi kur ngjyros apo kur ngjyroset diçka, ngjyrim, bojatisje, lyerje; kund. çngjyrosje. Ngjyrosje e njëtrajtshme. Ngjyrosja e leshit (e pëlhurave, e stofave).
✱Sin.: ngjyrim, ngjyerje, bojatisje, lyerje.

VAREKIN

VAREKÍN,~I m. Zbardhje, çngjyrosje, zbardhim.

ZBARDHJE

ZBÁRDHJ/E,~A f. 1. Veprimi kur zbardh diçka; zbardhimi i diçkaje. Zbardhja e mureve me gëlqere. Zbardhja e orizit. Zbardhja e flokëve. Zbardhje natyrale e dhëmbëve. Xhel për zbardhje. Zbardhje profesionale.
2. edhe sh. ~E, ~ET Mbresë që mbetet në një vend të prerë pak në sipërfaqe, shenjë nga prerja që është bërë në një send; incizim. Zbardhje unazore. Gjerësia (madhësia) e zbardhjes. Në vendin e zbardhjes.
3. fig. Sqarimi i plotë i diçkaje; shpjegim i hollësishëm; qartësim. Zbardhja e së vërtetës (e enigmës). Zbardhja e agjendës së takimeve. Zbardhja e listave. Zbardhja e skemës së re të pensioneve.
4. Nxjerrja në formë të plotë e të shkruar e një vendimi a e një dokumenti tjetër dhe bërja publike. Zbardhja e vendimeve të këshillit bashkiak. Zbardhja e ligjeve të Kuvendit.
5. Zbulimi i plotë, nxjerrja në dritë e diçkaje; rindërtimi i një ngjarjeje me metoda të specializuara për zbuluar të vërtetën. Zbardhja e rrethanave. Zbardhja e dosjes. Kërkohet zbardhje e shpejtë e këtij rasti. Komision për zbardhje krimi. S’ka ende një zbardhje të plotë të ngjarjes.
✱Sin.: zbardhim, lëbardhje, ndriçim, zbardhëllim, çngjyrosje, zbërdhulje, mbresë, thinjje, agim.

ÇNGJYRIM

ÇNGJYRÍM,~I m. sh. ~E, ~ET Veprimi kur çngjyroj diçka ose kur çngjyrohet; kund. ngjyrim. Çngjyrimi i rrobave (i stofrave, i fillit, i leshit). Çngjyrimi i flokëve. Çngjyrimi i gjetheve. Shkakton (sjell) çngjyrimin e dhëmbëve.
✱ Sin.: çngjyrosje, zbardhje, zbehje.

ÇNGJYROSJE

ÇNGJYRÓSJ/E,~A f. sh. ~E, ~ET Veprimi kur çngjyros diçka apo kur çngjyroset; kund. ngjyrosje. Çngjyrosja e rrobave (e leshit, e flokëve, e stofrave). Kimikate për çngjyrosje. Lëngu i limonit parandalon çngjyrosjen e frutave.
✱ Sin.: çngjyrim, zbardhje, zbehje.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë